JESAYA 24:11 - BIBEL JAMITA NA DENGGAN

¹¹ Marsurak-surak ma angka jolma di dalan-dalan i hara ni na abis anggur. Madung mago jop ni roha salolot-lolotna, jana hamogaan lintop sian sisik ni tano on sudena.

JESAYA 24:11 Referans Kwoze

HOSEA 7:14

Nada tutu situtu na ruar sian roha tangiang ni halahi. Angke muda martangiang halahi, diompaskon halahi do dirina tu podoman, jana mangandung songon na nibaen ni angka jolma na so mananda Au, hape tangiang ni halahi i nada ruar sian ate-ate na ias. Muda martangiang halahi mangido gandum dohot anggur, digomahi halahi ma pamatangna i songon halak sisomba gana-ganaan, mangalo do halahi tu Au!

LUKAS 16:25

Tapi dialusi si Abraham ma, ‘Ingot ma amang: Dompak di ngolumu madung dijagit ho sude angka na denggan, hape anggo si Lasarus hum na jat do. Saonnari sonang ma ia dison, tapi anggo ho markancit ma.

JOEL 1:15

Nada sadia honok nari ari ni Tuhan dapot ne ma, disi ma hatihana Na Markuaso i parohon mara. Na jorbut sun do ari i dibaen maroban arsak dohot hasegoan do i.

JEREMIA 48:33

Madung pola mago hamogaan dohot jop ni roha sian tano Moab na napu i. Au mambaen mantak aek ni anggur mardalan sian pangilangan ni anggur; nada adong be halak na pature anggur dohot na marsurahi marjop ni roha.

JESAYA 32:13

jana di tano ni bangsongku madung martubuan angka sihupi. Tangisi hamu ma angka bagasmunu inganan ni halak marsonang-sonang dohot kota na rumibur i.

JESAYA 16:10

Umpe adong sahalak na marjop ni roha di angka ladang na napu i. Nada adong na pio-pio sanga na marende di kobun anggur i. Nada adong na mamoro anggur laho mambaen aek ni anggur. Madung marujung surak-surak jop ni roha.

JESAYA 9:19

Muruk situtu Tuhan Na Markuaso i jana panguhumNa pe songon api na marsigorgor jana bangso i ma songon purunan siabiskononna. Umpe adong sahalak na maribo ni roha mida kahanggina.

JESAYA 8:22

sanga tu tano, umpe bagi aha idaon ni halahi asing sian hasusaan dohot hagolapan maradu haholomon na mandondoni, jana tu inganan na songon i ma halahi ditogu.

PODA 31:6

Siinumon na koras tu halak na susa do lehenon jana anggur tu halak na marsak.

MASMUR 144:14

Sai mamopari ma angka lombunta, jana ulang adong nian na tarposo sanga na marmagoan. Sai ulang nian adong na habegean holsoan tu pandelean di angka dalan na di kotanta.

JEREMIA 14:2

“Marsak ma roha ni Juda giot mate ne noma angka kotana. Marpayahan di tano angka halakna jana humolos be rohana. Pio-pio Jerusalem mangido diurupi.

JEREMIA 46:12

Na dung tarboto do tu sandok bangso hahaila na tarjadi di hamu. Tarbege do sora ni pangararmunu tu sude portibi on. Martondong do tentara na sada tu donganna jana gabe rap tungkap halahi tu tano.

JOEL 1:12

Bona ni hayu sipanganon di padang gabe mahiang sudena: bona ni anggur, ara, appel, kurma dohot dalimo, gabe mago ma tata jop ni roha, limpot ma sian bangso i jop ni roha.

JESAYA 32:10

Saonnari tola ma hamu puas, tapi tar sataon nari mandele noma hamu, angke nada adong batu ni anggur di hamu di hamamasa ni musimna.