JESAYA 23:12 - BIBEL JAMITA NA DENGGAN

¹² Didok Ia ma, “O kota Sidon! Madung marujung jop ni rohami. Madung tarsosak pangisimu. Haru pe mangungsi bage halahi tu Sidon, nada sonang halahi.” (

JESAYA 23:12 Referans Kwoze

HALUMBAAN 18:22

Nada habegean be sian ho sora ni musik ni parhasapi, dohot angka parende, sian parsuling dohot sian pangombus sarune! Sahalak pe nada dapot be halak na malo disi jana sora ni batu panggilingan pe nada adong be habegean.

JESAYA 47:1

“Mijur jana juguk ma ho di gincat ni orbuk, ale bujing-bujing, boru Babel! Juguk ma ho di gincat ni tano, jana nada be marhabangsa, ale boru Kasdim! Harana nada be dohonon ho na jogi jana na jeges.

JEHESKIEL 27:6

Angka dayungmu dibaen halahi sian angka hayu na godang di Basan do i. Inganan ni juguhanmu dibaen sian tusam sian pulo Siprus do i asalna, na nipajagar dohot gading na arga.

ANDUNG 4:15

Didok halak ma, “Morot ho sian on! Ramun do hamu, ulang dais tu hami on!” Gabe mompas-ompas ma halahi sian bangso tu bangso, jana nada adong sanga ise na marhagiot.

ANDUNG 1:15

Layas do sude diida Tuhan ulu balangku na garang i. Ditongos Ia tentara anso mate sude sian au doli-doli. Dipisat Tuhan do bangsongku lopus maropuk, songon pambaen ni halak na mamoro anggur.

ANDUNG 1:3

Mardangol sun ma da halak Juda i, dipaksa halahi manadingkon tanona i jana gabe diparhatobani. Saonnari maringanan di tonga-tonga ni angka bangso noma halahi nada inganan na tumbuk baen parmianan di halahi. Dihobuk musu halahi jana nada margeldok be i.

JEREMIA 46:11

Hamu ale angka halak na maringanan di Mesir, nada margogo sude angka ubatmunu i laho pamalumkon hamu. Jadi hara ni i, kehe ma hamu manjalahi ubat tu Gilead!

JEREMIA 14:17

Disuru Tuhan ma au paboahon arsak ni rohangku tu bangsoNa i. Angkon dokkononku songon on, “Tangis noma au torus-torusan, arian na borngin ilu maraburan. Dibaen banga do bugang ni bangsongku jana tarlobi do pardangolanna.

JESAYA 47:5

Tu Babel, “Juguk ma ho hohom jana masuk tu hagolapan, ale boru Kasdim! Nada tandaon be ho marhite goar: ‘Ratu ni angka bangso.’

JESAYA 37:22

madung didok Tuhan tu si Sanherib, “Partataan jana pacia-ciaon ni kota Jerusalem do ho, ale Sanherib.

JESAYA 23:7

Ligi ma Tirus hutami na adong sian narobi. On ma he ibana kota na somal marjop ni roha? On ma he kota na marsuru angka jolma taripar laut laho mangaranto tu luat na dao.

JOSUA 11:8

Jana Tuhan do mambaen monang halak Israel maralohon halahi. Diporangi halak Israel halahi lalu dikojar lopus tu tongtang ni Misrefot Maim dohot Sidon di Utara, jana lopus tu Rura Mispa di Habincaran. Torus do jebu parporangan i lopus nada adong be na tinggal sian musu i. Umpe sahalak – mate sude.

BILANGAN 24:24

Sian Siprus giot ro ma tentara, Asur dohot Eber ditaluhonsa, tapi halahi pe nada tolapsa martahan.”

PAMUNGKAAN 49:13

Si Zebulon ma na maringanan donok tu laut. Ro ma angka kapal di topina marlabu, lopus tu Sidon bidang ni luatna.

JEREMIA 2:10

Manopi-nopi ma hamu di Siprus sabola Hasundutan, suru hamu ma halak tu Habincaran tu tano Kedar, tangkas ma pareso hamu disi, sanga unjung do masa pangalaho sisongon i?

DANIEL 11:30

harana ro ma angka kapal ni halak Kitim mangalo ia, gabe mago ma habaranionna. Dung i mulak ma ia mardongan hosom maradopkon Parjanjian Na Badia i jana angkon martindak do ia. Dung mulak ia parate-atehononnia ma halak na maninggalkon Parjanjian Na Badia i.

PAMUNGKAAN 10:4

Pomparan ni si Jawan ma bangso Elisa, Spanyol, Siprus dohot Rodes.