JESAYA 23:11 - BIBEL JAMITA NA DENGGAN

¹¹ Madung dipatoltol Tuhan tanganna di ginjang ni laut jana ditunggalingkon angka harajaan. Diparenta Ia do Kanaan anso dironcohon angka benteng ni Penisia.

JESAYA 23:11 Referans Kwoze

HARURUAR 14:21

Dung i dipahortang si Musa ma tangannia tu ginjang ni laut i, jana diparo Tuhan ma haba-haba na gogo situtu na mangombus sian Habincaran pola sumurut aek i. Manyipat saborngin i sai mangombus haba-haba na gogo i mambaen laut i marbola dua jana maruba gabe tano na mahiang.

JOHANNES 2:16

Dung i didok Ia ma tu panggadis darapati i, “Oban hamu sude unggas i. Ulang baen hamu gabe inganan parjagalan Bagas Ni Damang!”

MARKUS 11:17

Dung i mangajar ma Jesus tu halak na disi i. Didok Ia ma, “Nada he tarsurat do di Buku Na Badia songon on: Didok Debata do, ‘Digoari ma BagasKu inganan partangiangan ni sude bangso?’ Hape gabe dibaen hamu do i gabe liang ni panyamun!”

ZAKARIA 14:21

Sude hudon na adong di Jerusalem dohot na di Juda sudena hapunjungkonon ma i baen sipakeon di bagasan paribadatan tu Tuhan Na Markuaso i. Pakeon ni halak na manghaulkon haul ma i pangalompaan ni juhut sihaulkononna i. Muda dung dapot hatiha i, nada adong be parjagal di Bagas Ni Tuhan Na Markuaso i.

HAGAI 2:7

HuturonKu ma sandok bangso. Jadi marroan ma angka arta hasudungan ni roha ni saluhut angka bangso, jana gokanKu ma Bagas on dohot hagodangan, ninna Tuhan Na Markuaso i.

NAHUM 1:14

On ma haputusan ni Tuhan maradopkon Asur, “Nada marpomparan be halahi laho paudut sundut ni bangsona. RoncohononKu ma angka patung ni gana-ganaan na adong di angka bagas pamelean ni debata ni halahi. Hatiha manghuar kuburan ma Au di bangso Asur, angke nada patut be halahi mangolu!”

JEHESKIEL 31:16

Di hatiha Hupaijur hayu i tu inganan ni halak na mate, mangkutur do angka bangso baenon ni sora ni pardabuna i. Marjop ni roha ma sude hayu na adong di Eden dohot angka hayu pilian na di Libanon na dapotan aek marlobi-lobi, dohot angka na dung manuat tu toru ni tano, hara ni pardabu ni hayu i.

JEHESKIEL 26:10

Songon i ma bahat ni kudo ni halahi jabat do sap sude ho abuan na habang hara ni pandege ni kudo i. Humutur angka tembokmu hara ni pangkutur ni sora ni parangan na markudo na maroban kareta inganan ni bohal dohot kareta porang muda mamolus halahi sian angka pintu ni horbangan ni kota na dung marsegoan i.

JEREMIA 47:7

Tapi, tarbaen ia ma he sonang disi anggo dung Huparentahon do laho manyerang Askelon dohot halak na maringanan di topi ni laut?”

JESAYA 25:2

Angka kota dibaen Ho gabe lobu, angka bentengna i sarge manghagopu. Bagas Godang na nipajongjong ni musu madung soada nada patureon be i salolot-lolotna.

JESAYA 23:3

tu ipar ni laut laho marboniaga gandum na tubu di Mesir dohot laho marboniaga tu sandok bangso.

JESAYA 10:6

Hutongos do Asur laho manguhumi bangsongKu na marbalik jana na mambaen Au muruk. Husuru do Asur laho mangarampas dohot manangko lalu mangalonca-lonca bangsongKu songon abu na di dalan i.”

JESAYA 2:19

Di haroro ni Tuhan laho manghutur tano on, marmasuhan ma halak tu bagasan angka liang di angka dolok batu sanga manghuar lubang di bagasan tano anso malua sian hamumuruk ni Tuhan dohot sian kuasoNia na marmulia i. Anggo dung dapot do ari i, tadingkononkon ma songon i sajo angka gana-ganaan perak dohot sere na nibaen ni halahi baen turpuk ni monci dohot arip-arip.

MASMUR 71:3

Sai Ho ma parlindungan na sonang di au dohot partahanan na togu; tu Ho do au marlindung dohot martahan, jadi gabe horas torkis ma au.

MASMUR 46:6

Mangaronggur Debata, gabe malantuk ma portibi on, gaor ma angka bangso, mardabuan ma angka harajaon.

PAMUNGKAAN 9:25

didok ia ma, “Hona bura ma si Kanaan! Gabe hatoban ni angka kahanggina ma ia.

JESAYA 5:25

Muruk Tuhan tu bangsoNia i. Madung rade Ia laho manguhumi halahi. Humutur ma angka dolok; marragean ma angka bangke songon rompak di angka dalan. Hape laing muruk dope Tuhan jana laing na giot manguhumi.

JESAYA 13:13

Humutur ma baenonKu langit i jana tano on humuntal sian ingananna di ari i, Au Tuhan Na Markuaso patuduhon kuasongKu.

JESAYA 14:26

Songon on do sangkapKu salaho tu portibi on; hortang do tanganKu laho manguhumi angka bangso.”

JESAYA 19:5

Surut ma aek ni Batang aek Nil jana mur lolot mur mahiang.

JESAYA 23:10

Karejohon hamu ma ladangmunu, ale hamu halak Spanyol, harana nada adong be labuan.

JESAYA 50:2

Biasi nada adong na ro umpe sahalak sian bangsongKi, di na ro Au marpio halahi? Adong he na so sanggup Au dietong roha ni halahi paluahonsa umbaen na sip sajo halahi? Nada he sumurut aek ni laut hara ni parentangKu, Hupauba batang aek gabe padang manyahatang, gabe mate ihan sudena?

JEHESKIEL 26:4

Sarsarkonon ni halahi ma angka tembokmu jana rumpakkononna ma angka palas-palasmu. Sude tano na adong disi paisonKu noma i, hum sada batu na mahiang sajo noma na tading di tonga laut.