JESAYA 23:1 - BIBEL JAMITA NA DENGGAN

¹ On ma alatan taringot tu Tirus: Mangandungi ma hamu, ale angka parlaut ni Tirus na mamolusi laut bidang jana na topet marlayar sian Siprus! Harana madung dironcohon Tirus, kota labuanmunu i; angka bagas dohot labuanmunu i madung gabe tinggal na sego.

JESAYA 23:1 Referans Kwoze

PAMUNGKAAN 10:4

Pomparan ni si Jawan ma bangso Elisa, Spanyol, Siprus dohot Rodes.

JEREMIA 47:4

Madung dapot hatihana patimpason bangso Pilistin sudena, lopus nada dapotan pangurupion be Tirus dohot Sidon. AbiskononKu ma sude halak Pilistin sian Kreta. Au Tuhan na mambaensa.

JESAYA 2:16

Bonomkonon ma angka kapal na gumodang-godang dohot na jumeges-jeges sian Tarsis.

JEREMIA 2:10

Manopi-nopi ma hamu di Siprus sabola Hasundutan, suru hamu ma halak tu Habincaran tu tano Kedar, tangkas ma pareso hamu disi, sanga unjung do masa pangalaho sisongon i?

JESAYA 23:12

Didok Ia ma, “O kota Sidon! Madung marujung jop ni rohami. Madung tarsosak pangisimu. Haru pe mangungsi bage halahi tu Sidon, nada sonang halahi.” (

1 RAJA-RAJA 22:48

Di hatiha i, topet do nada adong raja ni halak Edom, jadi hum kapala daerah do sahalak na mamarenta disi.

1 RAJA-RAJA 10:22

Bahat do kapal ni si Salomo na godang-godang na marlayar di laut bidang rap dohot kapal ni si Hiram. Sanoli tolu taon mulak do kapal i maroban sere, perak, gading dohot angka bodat dohot unggas merak.

DANIEL 11:30

harana ro ma angka kapal ni halak Kitim mangalo ia, gabe mago ma habaranionna. Dung i mulak ma ia mardongan hosom maradopkon Parjanjian Na Badia i jana angkon martindak do ia. Dung mulak ia parate-atehononnia ma halak na maninggalkon Parjanjian Na Badia i.

JEHESKIEL 26:1

Di tanggal sada di sada bulan di taon pasabolaskon habuangannami, mangkuling ma Tuhan tu au mandok,

JEREMIA 25:15

Didok Tuhan, Debata ni Israel ma tu au, “Buat ma galas ni anggur on na dung Hugohi dohot hamumurukKu. Oban ma i tu sude bangso sanga na tu dia ho Husuru. Suru inum ma anggur on tu halahi;

JESAYA 60:9

I ma da angka kapal na marlabu sian Tartis maroban bangso ni Debata mulak sian luat na dao. Sere dohot perak laing diobansa, laho mamuji Tuhan Debata; di Debata ni Israel na umbadia, na mambaen bangsoNia dapotan sangap.

JESAYA 24:10

Gaor sude kota; tarkunci sude pintu ni bagas hara ni biar ni nampunasa.

JESAYA 15:8

Sanga na di dia pe parbalohan ni Moab, habegean ma sora ni na tangis. Tarbege do pangandungna i di Eglaim dohot Beer-Elim.

MASMUR 48:7

Songon kapal na dumaol-daol diombus alogo.

2 JUJUR TAON 9:21

Bahat do kapal ni si Salomo na godang-godang na marlayar di laut bidang rap dohot angka kapal ni Raja Hiram. Sanoli tolu taon mulak do kapal i maroban sere, perak, gading, kerek dohot angka unggas merak.

1 RAJA-RAJA 5:1

Torus do Raja Hiram sian Tirus, marale-ale dohot Raja Daud. Jadi dung tarbege tu Raja Hiram, hape si Salomo do gabe raja manggonti si Daud amangna i, disuru ia ma suruannia manopot si Salomo.

JOSUA 19:29

Sian i mangeldok ma batas i tu Rama lopus tu kota Tirus, i ma sada kota na marbenteng; dung i mangeldok ma mangulahi garis batas i tu Hosa lalu marujung ma di Laut Tonga. Masuk tu bagasan batas i ma Mahalab, Aksib,

BILANGAN 24:24

Sian Siprus giot ro ma tentara, Asur dohot Eber ditaluhonsa, tapi halahi pe nada tolapsa martahan.”

LUKAS 10:13

“Marjaya do ho Khorasim! Marjaya do ho ale Betsaida! Sugari di kota Tirus dohot Sidon dipamasa angka hahomangan na di pamasa di tonga-tongamunu pasti madung tibu halahi pauba rohana jana marsak angka jolma na disi di hatiha i.

JESAYA 23:6

Mangandungi ma hamu panduduk ni Penisia, kehe ma hamu monjap tu Spanyol.

JEHESKIEL 26:2

“Ale jolma parsantongkinan, marsurak-surak do halak Tirus lalu mandok, ‘Madung maronco Jerusalem! Gogona di parboniagaan madung mago! Nada be imbangta i!’ ”

JEHESKIEL 27:6

Angka dayungmu dibaen halahi sian angka hayu na godang di Basan do i. Inganan ni juguhanmu dibaen sian tusam sian pulo Siprus do i asalna, na nipajagar dohot gading na arga.

JEHESKIEL 27:30

Ditangisi halahi bagianmi humolos jana lungun mangandungi. Disampakkon halahi abu tu uluna jana margiling di abuan tanda ni arsakna.

JUNUS 1:3

Hape adop dalan na asing do kehe si Junus laho padaohon dirina sian Tuhan i. Kehe ia tu Jafo, jana didapot ia muse antong disi kapal na giot marlayar tu Tarsis. Dung digarar ia ongkosnia, manaek ma ia tu kapal i lalu marlayar ma ia dohot parkapal i tu Tarsis laho mandao sian Tuhan.