JESAYA 21:2 - BIBEL JAMITA NA DENGGAN

² Madung dipatuduhon tu au taringot tu na jorbut na giot masa, halumbaan taringot tu hajahatan dohot hasesegona. Maju ma hamu parangan ni Elam, roro ma! O hamu parangan ni Madai, hobuk hamu ma angka kota i! Na giot paujungonKu noma sude pardangolan na nibaenan ni Babel.

JESAYA 21:2 Referans Kwoze

JEREMIA 49:34

Nada sadia honok dung gabe raja si Zedekia di Juda, mangkuling ma Tuhan Na Markuaso i tu Au taringot tu tano Elam.

JESAYA 33:1

Marjaya ma angka musunta! Manyamun do halahi jana manyegoi haru pe nian na hona samun halahi sanga disegoi. Tapi nada dapot halahi be hatiha laho mambaen songon i, halahi sandiri noma na hona samun dohot na dihianati.

JESAYA 24:16

Sian angka ujung ni tano on tarbege ma ende puji-pujian di Israel, bangso na tigor i. Hape nada adong arop ni rohangku! Marhancit do au! Laing mangarampok do parjahat, mur martamba jahat dope tehe halahi.

MASMUR 60:3

Dipadiar Ho do hami bangsoMon marnyae na so tartaon, songon halak na mabuk hami marambalan.

HALUMBAAN 13:10

“Sanga ise na angkon hurungon, angkon laing hurungkonon do. Jana sanga ise na mamunu dohot podang, pasti bunuon dohot podang. Hara ni i ma da umbaen na angkon sobar jana setia tongtong anggo halak na badia.”

DANIEL 5:28

Peres; astuanna; madung dibagi harajaan ni raja i jana dipasahat tu halak Media dohot Persia.”

DANIEL 8:20

Biri-biri jantan na niidami, na martanduk dua, i ma manggambarkon harajaan Media dohot Persia.

ANDUNG 1:22

Parrohahon ma sude hajahatan ni halahi i, jana uhummi ma halahi, songon au on na hona uhumMi, hara ni sude dosangku na hubaen di adopanMi. Mangangguk au di bagasan pardangolan, marsak rohangku jana hancitan.”

JEREMIA 51:53

Haru pe tarbaen Babel mandangkit tu langit jana mambaen partahanan na gogo disi, angkon laing suruonKu do halak laho manyegohon i. Au Tuhan, madung mandok songon i.”

JEREMIA 51:44

Bel, debata ni tano Babel, giot uhumonKu. Giot baenonKu paulahonnia sanga aha na nirampasnia. Nada be sombaon ni angka bangso ia. Madung marumpak angka tembok ni Babel.

JEREMIA 51:11

Madung dijajang Tuhan angka raja na sian Media, hara ni na giot roncohononNia Babel. Songon i ma dalanna dibaen Ia laho mamalos parbuatan ni angka jolma na mangaroncohon bagasNia i. Didok komandan ni parangan parporang i ma, “Patajom be anak ni pana! Parade parince!

JEREMIA 50:34

Tapi gogo do Au pambela ni halahi Tuhan Na Markuaso i do goarKu. Au sandiri do na manjuljulkon parkaro ni halahi dohot na maroban dame tu portibi on. Tapi anggo tu halak Babel paroonKu ma hasusaan.”

JEREMIA 50:14

Hamu ale angka panyior! Atur hamu ma barisanmunu laho mangaroro dohot manghobuk Babel. Tembakkon hamu ma anak ni siormunu adop Babel, dibaen madung mardosa ia naradopkon Au.

JEREMIA 45:3

humolos do ho songon on, ‘Iale, na sial ma antong iba on! Bahatna antong hasusaanku, hape laing ditamba Tuhan muse dope dohot parkancitan. Loja au na humolos i, so adong saotik pe hasonangan!’

JEREMIA 31:25

Angka na loja sian halahi giot pargogoanKu, jana pabutongonKu angka na garse hara ni na tangkuraparon.

JEREMIA 31:20

O Israel, ho do anak hasianKu, anak haholongan, tampuk ni pusu-pusungKu. Ganop Huondam ho sai lungun do rohangKu marningot ho. Gok ibo ni roha do giot baenonKu tu ho.

JESAYA 47:6

Najolo muruk Au tu bangsongKu, nada Huetong be halahi nampunangKu. Gabe Hupasahat tu ho, hape nada adong ibo ni rohamu, dohot do tu na tobang-tobang dipambaeni ho pangalaho na kejam.

JESAYA 35:10

Lalu halahi tu Jerusalem marjop ni roha, manortor lalu marsurak marmoga-moga. Martua ma halahi salolot-lolotna, malua sian habot ni roha dohot susa.

JESAYA 22:6

Madung ro Elam marsinjatahon sior dohot pana, jana tentara ni Siria pe madung ro markudo dohot markareta, dohot tentara ni Kir mambuka parincena.

PODA 13:15

Hapistaran mangkorhon hasangapan, tapi muda dalan ni parjehe parohon tilako.

MASMUR 79:11

Tangihon ma pangangguk ni angka na tartaban; marhite kuasoMu, palua ma angka halak na niuhum tu hamatean.

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

1 SAMUEL 24:13

Sai Tuhan ma na mamutuskon sanga ise do sian hita na marsala! Sai Tuhan ma na mambaloskon pambaenan ni raja i tu au tapi anggo au saotik pe nada hancitan raja i baenonku.

2 RAJA-RAJA 17:6

i ma muse taon pasambilankon dung mamarenta si Hosea, dirampas si Salmaneser ma Samaria. Dioban ia ma halak Israel gabe tabanan tu Asur. Dibaen ia ma deba halahi di kota Hala, deba di lambung ni Batang aek Habor na di Luat Gosan jana deba nari di angka kota na di Luat Madai.

MASMUR 25:3

Sai na pataluon do sanga ise halak na manjehei Ho, na pasti monang do halak na manghaposi Ho.

MASMUR 119:158

Magigi au mida angka panghianat i, hara ni na so diihutkon halahi pangajaranMu.

DANIEL 5:9

Mur tamba biar muse ma roha niraja i jana mur langan; angka halak na godang-godang i pe nada dibotosa be sanga aha sibaenonna.

PAMUNGKAAN 10:22

Angka anak ni si Sem i ma si Elam, si Asur, si Arpaksad, si Lot dohot si Aram. Halahi ma ompu ni angka bangso na nigoaran mangihutkon goar ni halahi.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JESAYA 14:4

Muda dung dipatulus Tuhan songon i, angkon incahan ni halahi do raja ni Babel mandok songon on: “Madung madabu raja na jahat i! Nada tarbaensa be mamparhanciti.

JESAYA 14:7

Ujungna gabe aman jana dame noma sude portibi on, jana marende ma sude jolma marjop ni roha.

JEREMIA 49:35

Pandok ni Tuhan, “Satutuna tipulkononKu ma Sior ni Elam, i ma hagogoon ni halahi.

DANIEL 8:2

Di bagasan parnidaan i di propinsi Elam do au, di Susan, kota sabungan ni Persia. Jongjong au di lambung ni Batang aek Ulai,