JESAYA 21:13 - BIBEL JAMITA NA DENGGAN

¹³ On ma alatan taringot tu Arab: O hamu halak Dedan, na pajongjong undung-undung parbornginan do parjagal-jagal i di kota ni halak Arab.

JESAYA 21:13 Referans Kwoze

JEHESKIEL 27:15

Halak na maringanan di Rodus pe marboniaga do dohot ho jana halak na maringanan di pasisir manobusi barang-barang jagalanmu marhite gading dohot hayu na lomlom.

1 JUJUR TAON 1:32

Adong do rading ni si Abraham na margoar si Ketura. Sian si Ketura adong do onom halak anaknia, i ma si Zimran, si Joksan, si Medan, si Midian, si Isbak dohot si Suah. Si Joksan dua anaknia i ma si Seba dohot si Dedan.

PAMUNGKAAN 25:3

Si Joksan ma amang ni si Seba dohot si Dedan, jana pomparan ni si Dedan, i ma halak Asur, halak Letus dohot halak Leum.

GALATIA 4:25

Jadi si Hagar ma Dolok Sinai na di tano Arab, jana sarupa do i dohot Jerusalem na saonnari, harana mangolu di bagasan parhatobanan do ia rap dohot angka dakdanaknia.

JESAYA 13:20

Nada adong umpe sahalak be na tading disi. Nada adong halak Arab parbungkas-bungkas i na giot pajongjong undung-undungna di inganan i, jana nada adong parmahan na giot maroban hambeng biri-biri na niparmahanna manjampal tusi.

JESAYA 13:1

On ma tona ni Debata na nijagit ni si Jesaya anak ni si Amos, taringot tu Babel:

1 JUJUR TAON 1:9

Pomparan ni si Kus, i ma halak Seba, Hawila, Sabta, Raema dohot Sabteka. Pomparan ni si Raema i ma halak Seba dohot Dedan. (

1 RAJA-RAJA 10:15

nada nietong dope disi angka na sian kahanggi dohot angka untung sian na marjagal dohot sian angka raja ni halak Arab songon i sian gubernur ni Israel.

PAMUNGKAAN 10:7

Pomparan ni si Kus ma angka bangso Seba, Hawila, Sabta, Raema dohot Sabtekha. Pomparan ni si Raema ma bangso Seba dohot Dedan.

JESAYA 21:12

Hualusi ma, “Ro do i manyogot, tapi borngin dope. Muda giot sapaanmu, ro ma ho mangulahi manyapai.”

JEREMIA 49:8

Hamu ale halak Dedan, marbalik ma hamu lalu maporus! Kehe ma hamu martabuni. PatimpasonKu ma pomparan ni si Esau, dibaen madung dapot hatihana giot uhumanKu halahi.