JESAYA 21:11 - BIBEL JAMITA NA DENGGAN

¹¹ Songon on ma alatan taringot tu Edom: Adong ma halak na pio-pio tu au sian Edom, “O panjago, lolot dope borngin on? Piga jom nari anso torang ari?”

JESAYA 21:11 Referans Kwoze

PAMUNGKAAN 25:14

si Misma, si Duma, si Masa,

AMOS 1:6

Didok Tuhan ma, “Marpupu do mardosa halak Gasa, hara ni i angkon hona uhum halahi baenonKu. Dioban halahi do himpal sada bangso, jana digadis halahi ma i gabe hatoban tu halak Edom.

JOEL 3:19

Anggo Mesir gabe halongonan na harsang, jana Edom gabe tano na harsang na so hainganan jolma. Angke diporangi halahi do tano Juda, jana dibunu halak na disi do na so marsala.

JEREMIA 37:17

Dung i disuru Raja Zedekia ma halak maroban au mangadop tusia di bagas godang. Disi disapai ia ma au di sihabunian betak na adong tona sian Tuhan. “Adong,” ningku mangalusi, lalu hupaudut, “Pasahaton noma raja i tu raja ni Babel.”

JESAYA 21:6

Dung i didok Tuhan ma tu au, “Kehe ma ho, pasingkop ma sahalak panjago di gardu panjagoan jana suru ma ia mangalapurkon sanga aha na niidania.

MASMUR 137:7

Ale Tuhan, ingot ma pambaenan ni halak Edom, dompak na ro halahi manaban Jerusalem. Sai marpupu didok halahi, “Unggalkon ma lalu tu ojahanna i!”

1 JUJUR TAON 1:30

si Misma, si Duma, si Masa, si Hadad, si Tema,

PANGARATAION 2:5

Indangkon sai porangi hamu halahi, angke hum sanjongkal pe sian tano ni halahi i nada lehenonKu tu hamu, angke na dung Hulehen do Edom tu pomparan ni si Esau.

BILANGAN 24:18

Tano Edom gabe nampuna ni musuna, tapi halak Israel laing tontong do mangkarejohon karejo na marsahala.

PAMUNGKAAN 32:3

Dung i disuru si Jakob ma piga-piga halak suruan na mardalan manjoloi ia tu Luat Edom laho mandapotkon si Esau angkangnia i.

ENDE NA GODANG 3:3

Tarpaida au ma panjago ni kota, ningku ma, “Adong dehe tarpaida ho haholongan ni rohangku?”

JESAYA 21:12

Hualusi ma, “Ro do i manyogot, tapi borngin dope. Muda giot sapaanmu, ro ma ho mangulahi manyapai.”

JEREMIA 6:17

Dung i marpupu ma diangkat Tuhan angka panjago na paingotkon halahi anso ditangihon nian sora ni sarune sipaboa tanda. Hape didok bangso i do, “Nada ra hami manangihon i.”

PAMUNGKAAN 32:4

Didok si Jakob ma tu halahi, “Songon on ma dokkon hamu tu tuanku si Esau, ‘Si Jakob do au, naposomi na maringanan rap dohot si Laban na salolotna on.

JOSUA 15:52

Laing nampuna ni Juda muse do: Arab, Duma, Esan, Janum, Bet-Tapuah, Afeka, Humta, Kiryat-Arba (Hebron) dohot Zior, pungu sambilan kota dohot angka luat na humaliangna.

JEHESKIEL 25:12

Didok Tuhan Debata i ma, “Mambaen hasalaan godang do Edom hara ni kejamna pambaen ni halahi maradopkon Juda, di na palalu hosom halahi.

JEHESKIEL 33:7

Ale jolma parsantongkinan, Huangkat do ho gabe panjago ni bangso Israel. Palalu ma tu halahi sipaingot on: