JESAYA 21:1 - BIBEL JAMITA NA DENGGAN

¹ Songon on ma alatan taringot tu Babel: Songon halingsungsung na mardonging na mamolus di parhorsihan, songon i ma haroro ni parmaraan sian luat sihabiaran.

JESAYA 21:1 Referans Kwoze

JESAYA 14:23

Gabe ambar noma Babel baenonKu baen inganan ni sipauk. Ias ma haisonKu Babel. Tuhan Na Markuaso do Au, na dung mandok i.”

JEREMIA 51:42

Mangalantap ma aek ni laut tu Babel; gumadobur angka galumbangna i mangalingkup luat i.

JESAYA 13:1

On ma tona ni Debata na nijagit ni si Jesaya anak ni si Amos, taringot tu Babel:

ZAKARIA 9:14

Pataridahonon ni Tuhan ma diriNa tu bangsoNa, songon hipas ni hilap ditembakkon angka anak ni siorNa. Ombuson ni Tuhan Debata ma sarune lalu mardalan maju di bagasan angin na gogo na sian Selatan.

JESAYA 17:1

Didok Debata, “Nada marrumangkon kota be Damaskus, tapi hum na sego-sego sajo noma.

DANIEL 11:40

Muda marayak marujung ma kuaso ni raja Siria i, ro ma raja ni Mesir mamorangi ia. Jadi baloson ni raja ni Siria ma parangan i lopus marujung. Padohotonnia ma bahat kareta porang, kudo, dohot kapal. Mangaroro ma ia songon aek magodang jana solatonna bahat luat.

JEHESKIEL 31:12

Tabaon ni tentara sileban na so umboto ampun ma ia lalu dipadiar sajo songon i. Madabu ma rantingna na mangkasopak i jana marrerak ma i di sude dolok dohot rura na saluat i. Sude bangso na maringanan di tanonia, markehean ma i manadingkon ia.

JEHESKIEL 30:11

Ro ma si Nebukadnesar rap dohot tentarana na jingar i jana roncohononna ma tano i. Pajoloon ni halahi ma mamorangi Mesir dohot podang, jana marragean ma angka bangke di luat i.

JOB 37:9

Sian Selatan marroan alogo na sun gogo jana sian Utara alogo na ngali maradu manorus.

JESAYA 5:28

Tajom do anak ni pana ni halahi jana siorna i ripe manembakkon. Sisilon ni kudona i songon pir ni batu loting, jana parputar ni roda ni karetana i songon hipas ni halingsungsung.

JEHESKIEL 1:4

Hupadorgak ma jana huida halingsungsung na mangombus sian Utara. Ruar ma hilap na sumiksak sian sangkimpal ombun nalobi godang, jana gabe torang sajo ma langit na humaliang i dibaensa. Di bagasan hilap na mamincar-mincar i tarida ma na marsinondang songon tumbaga.

JEHESKIEL 38:9

Ro ma ia dohot tentarania dohot bahat bangso mangudurkon ia mamorangi songon halingsungsung lalu mangalingkup luat i sude songon ombun.”

JESAYA 13:13

Humutur ma baenonKu langit i jana tano on humuntal sian ingananna di ari i, Au Tuhan Na Markuaso patuduhon kuasongKu.

JESAYA 14:1

Giot asian ni Tuhan ma Israel bangsoNia i, jana manodo halahi mangulahi gabe nampunaNia. Giot baenonNia ma halahi mangulahi maringanan di tano ni halahi sandiri. Marroan ma halak na asing jana maringanan disi rap dohot halahi.

JESAYA 14:14

Didok ho ma na giot manangkok ho tu puncu ni angka ombun jana gabe songon Tuhan Na Gumincat i.

JESAYA 47:1

“Mijur jana juguk ma ho di gincat ni orbuk, ale bujing-bujing, boru Babel! Juguk ma ho di gincat ni tano, jana nada be marhabangsa, ale boru Kasdim! Harana nada be dohonon ho na jogi jana na jeges.

JEREMIA 51:1

Didok Tuhan, “TongosonKu ma alogo panyego-nyego na mangombus adop Babel dohot adop halak na maringanan disi.

JEREMIA 51:51

Didok hamu do, ‘Dilayasi do hami jana dipaila, nada marbohi hara ni na nijuguhan ni angka halak sileban inganan na badia di bagasan Bagas Ni Tuhan.’