JESAYA 20:4 - BIBEL JAMITA NA DENGGAN

⁴ Tabanon ni raja Asur ma angka jolma sian luat na dua i jana na giot iringon ma halahi marsae mara. Na tobang dohot na poso, mardalan ma sudena i so marpakean dohot na so marsolop, tarida pantatna i, laho palayaskon Mesir.

JESAYA 20:4 Referans Kwoze

JESAYA 19:4

PasahatonKu ma Mesir tu tangan ni sada raja na jungkat na giot mamarenta halahi mamake hakejamon. Au Tuhan Na Markuaso do mandok i.”

JEREMIA 13:26

Au sandiri manyibakkon pakean sian pamatangmu anso marsaemara ho jana maila.

JEREMIA 13:22

Betak sapa-sapa hamu biasi ro i tu hamu, biasi disibakkon pakeanmunu jana dibaen tu hamu roha-rohana. Patut angkon botoonmunu, patunda ni na magodangtu do dosamunu umbaen na tarjadi sudena i.

HALUMBAAN 3:18

Jadi Hupaingot ma hamu anso tobusi hamu ma sian Au sere, i ma sere na polin, anso tutu hamu gabe mamora. Laing dohot ma pakean na bontar tobusi hamu sian Au anso marpakean hamu, ulang diida halak be hamu di pangalahomunu na marsaemara jana na pailahon i. Jana tobusi hamu muse ma ubat ni matamunu i anso marnida hamu.

MIKA 1:11

Hamu na maringanan di Safir, kehe ma hamu tu habuangan nada marpakean jana mardongan ila ni roha! Angka halak Zaanan nada puluk ruar sian kotana. Angguk ni halak Bet-Haesel, i ma patuduhon tu hamu na so adong be pangondian disi.

JEHESKIEL 30:18

Di ari i, di na Hupaujung sahala ni Mesir jana Hubuat kuasonia na nihagodangkonnia i, manggolap ma Tahpanhes jana tangkuponna ma angka dadaboruna.

JEREMIA 46:26

pasahatonKu ma i tu si Nebukadnesar raja ni Babel dohot tu tentarana na giot mamatehon halahi. Tapi inganan ni halak do Mesir muse songon di hatiha na salpu. Au Tuhan, madung mandok songon i.”

JESAYA 47:3

Idaon ni halak ma ho na so marpakean, dilayasi jana dipaila-ila. Palalu hosom ma Au tu ho, jana nada haantahan sanga ise Au,”

JESAYA 3:17

Hape uhumanKu noma halahi; sap ma uluna i rasa-rasaon lopus gabe palpalon.”

2 SAMUEL 10:4

Jadi gabe ditangkup si Hanun ma suruan ni si Daud i; dicukur ia ma janggutna i sabariba, digotap ia pakeanna i mamungka sian panggulna i, dung i baru ma disuru ia halahi kehe.

JESAYA 47:2

Duda ma topung dohot batu; tanggalkon ma basaenmu, buka ma bajumu na jeges i, singkat ma abitmu manaripari aek i.

JEREMIA 46:19

Marhobas be ma hamu angka halak Mesir anso ditaban jana dioban! Gabe lobu ma kota Memphis, inganan na lungun na so diingani.

AMOS 9:7

Didok Tuhan ma, “Ale halak Israel, Huparrohahon do halak Etiopia laing songon Huparrohahon hamu. Huoban do halak Pilistin sian Kreta dohot halak Siria sian Kir laing songon parobanKu di hamu sian Mesir.

NAHUM 3:10

Haru songon i pe, laing dioban do Tebe tu habuangan. Di sude sirpang ni dalan dibalbali do angka anakna lopus marmatean. Angka halak na godang na disi, ditambat dohot rante jana dibagi-bagi angka na manangkup i.

ZEPANYA 2:12

Pangisi ni Etiopia pe mate noma uhuman ni Tuhan.

1 JUJUR TAON 19:4

Jadi ditangkup si Hanun ma suruan ni si Daud i, dicukur ma janggut ni halahi sasabariba, diponggol ma pakean ni halahi mamungka sian tonga-tonga lalu tu pangkal ni hae-haena, dung i disuru ma halahi kehe.

JESAYA 31:2

Na pistar do Tuhan jana diboto Ia do sanga aha na nibaenNia. Diparo Ia do parmaraan jana didalankon Ia do ancamanNia laho manguhumi halak na jahat dohot halak na mangampini halahi.

JESAYA 31:3

Hum jolma na somal do halak Mesir, nada debata halahi. Kudo ni halahi pe mahluk na somal do, nada adong bako hadebataanna. Muda jabat martindak Tuhan, targompang noma bangso na gogo i, jana bangso na gale na nitungkolanna i pe madabu noma. Gabe rap marujung noma i dua-duana.