JESAYA 2:16 - BIBEL JAMITA NA DENGGAN

¹⁶ Bonomkonon ma angka kapal na gumodang-godang dohot na jumeges-jeges sian Tarsis.

JESAYA 2:16 Referans Kwoze

1 RAJA-RAJA 10:22

Bahat do kapal ni si Salomo na godang-godang na marlayar di laut bidang rap dohot kapal ni si Hiram. Sanoli tolu taon mulak do kapal i maroban sere, perak, gading dohot angka bodat dohot unggas merak.

JESAYA 23:1

On ma alatan taringot tu Tirus: Mangandungi ma hamu, ale angka parlaut ni Tirus na mamolusi laut bidang jana na topet marlayar sian Siprus! Harana madung dironcohon Tirus, kota labuanmunu i; angka bagas dohot labuanmunu i madung gabe tinggal na sego.

HALUMBAAN 18:11

Angka saudagar na satano on pe tangis jana marsiluluton ma hara ni dadaboru i angke nada adong be hum sahalak pe na manobusi angka barang jagalan ni halahi i.

JESAYA 60:9

I ma da angka kapal na marlabu sian Tartis maroban bangso ni Debata mulak sian luat na dao. Sere dohot perak laing diobansa, laho mamuji Tuhan Debata; di Debata ni Israel na umbadia, na mambaen bangsoNia dapotan sangap.

MASMUR 47:7

Raja do Debata di sandok portibi, mardongan angka ende ma Ia tapuji!

BILANGAN 33:52

angkon paorotonmunu sude halak na mangingani luat i. Roncohon hamu sude gana-ganaan ni halahi na sian batu dohot logam dohot angka inganan parsombaan ni halahi.

HALUMBAAN 8:9

jana mate ma sapartolu sian sude angka na nitompa di bagasan laut; laing abis muse ma sapartolu sian sude kapal.

JESAYA 2:17

Patutoruon ma halak na gakgak, jana papatuon ma halak na ginjang roha. Mago noma angka gana-ganaan sian sisik ni tano on. Anggo di ari i hum sasada Tuhan noma sipasangapon.

JESAYA 23:14

Mangandungi ma hamu ale angka parlaut! Madung maronco kota na nipangasahonmunu i.

JESAYA 66:19

jana botoon ni halahi ma Au do na manguhumi halahi. Tapi adong do saotik sian halahi na giot paluaonKu. SuruonKu ma halahi mandapotkon angka bangso di luat angka na dao na so jungada dope umbege salaho tu Au sanga marnida hagodangan dohot kuasongKu: Tu Spanyol, Libia, tu Lidia mardongan angka parsior na malo, tu Tubal dohot Junani. Baritahonon ni halahi ma hagodanganKu di tonga-tonga ni angka bangso i.

JEHESKIEL 27:25

Marbaris-baris do kapal maroban barang-barang boniagamu. Songon kapal do ho na sorat marmuat, kapal na mamolusi laut na sun bolak.