JESAYA 19:6 - BIBEL JAMITA NA DENGGAN

⁶ Muap bau ma angka bondar di na mur abis aekna i. Marmalosan ma angka arung dohot duhut.

JESAYA 19:6 Referans Kwoze

JESAYA 37:25

Laing bunggal ma pangkatahonmu, na nihuarmu sumur jana diinum ho aek di angka luat na asing, jana didege-dege angka tentaramu Batang aek Nil lopus mahiang.

JOB 8:11

‘Di aek-aek do tubu galoga; di tano na bornok do tubu ia.

2 RAJA-RAJA 19:24

Manggodang muse ma ho na nihuarmu sumur jana diinum ho aek di angka luat na asing, jana didege-dege angka paranganmu Batang aek Nil lopus mahiang.”

HARURUAR 7:18

Marmatean ma angka ihan jana sun ma bau ni batang aek on, jabat nada tarinum halak Mesir i aekna.’ ”

HARURUAR 2:3

Dung mur lolot nada tarbunihon ia be. Gabe dibuat ia ma karanjang na nibayu sian galoga, dilapis ia ma i dohot ter anso tahan tu aek. Dipamasuk ia ma dakdanak i tu bagasan karanjang i, lalu dioban tu batang aek, jana dipayakkon ia ma tu galoga na di topi ni batang aek i.

JESAYA 18:2

Marroan ma angka suruan sian luat i mamolus sian Batang aek Nil mamake angka parau pandan. Hamu ale angka suruan na lingkas-lingkas, ompoti hamu ma mulak tu tanomunu na nibolus ni angka batang aek i. Palalu hamu ma sada tona tu bangsomunu na gogo jana na barani i, angka na ginjang na godang boti parhuling-huling na halus jana sihabiaran di na satano on.

JESAYA 15:6

Batang aek Nimrim dohot duhut na martubuan di topina i pe ma pola pora mahiang, nada adong be na rata tubu disi.

PAMUNGKAAN 41:2

Jadi tompu ma ruar sian batang aek i pitu lombu na mokmok marlinang idaon kulitna i, manigor manjampal ma di topi ni batang aek i.

NAHUM 3:8

Dumenggan ma lakna ho sian Tebe, kota sabungan ni Dewa Amon, na maringanan di topi ni Batang aek Nil, na dihuliangi aek, kota na martembok laut, jana na marbenteng aek?

JOB 8:12

Muda mahiang aek i, marhancit ma galoga i, tumibu sian duhut na asing i. Hape nian laing loyok jana so dapot dope tingkina, nirabi mambuat hagunaanna.