JESAYA 19:5 - BIBEL JAMITA NA DENGGAN

⁵ Surut ma aek ni Batang aek Nil jana mur lolot mur mahiang.

JESAYA 19:5 Referans Kwoze

JEREMIA 51:36

Hara ni i didokkon Tuhan ma tu halak Jerusalem, “ParjuangkononKu do parkaromu jana uhumanKu angka musumu hara ni pambaenan ni halahi tu hamu. PahiangonKu ma angka mual ni aek dohot angka batang aek ni Babel.

JEHESKIEL 30:12

PahiangonKu ma Batang aek Nil jana pasahatonKu ma Mesir sudena tu angka halak parjahat. SuruhononKu ma angka halak sileban mangabisi sude luat i. Au Tuhan, madung mandok songon i.”

ZAKARIA 14:18

Jana muda nada ra halak Mesir manghagodangkon Pesta Undung-undung Bulung Rata i, gabe hona ma tu halahi nyae na niparo ni Tuhan tu ganop bangso na so ra kehe marsomba.

ZAKARIA 10:11

Muda mamolus lautan ni hasusaan halahi, Au Tuhan mamukul angka ombaknai, tandolan ni Batang aek Nil pe gabe mahiang. Diparenjep ma Asur na bulbul i, jana agoan kuasona ma Mesir na gogo i.

JOB 14:11

Songon aek na marombun sian tobat, songon parsurut ni aek lopus abis,

JESAYA 15:6

Batang aek Nimrim dohot duhut na martubuan di topina i pe ma pola pora mahiang, nada adong be na rata tubu disi.

JESAYA 23:11

Madung dipatoltol Tuhan tanganna di ginjang ni laut jana ditunggalingkon angka harajaan. Diparenta Ia do Kanaan anso dironcohon angka benteng ni Penisia.

JESAYA 50:2

Biasi nada adong na ro umpe sahalak sian bangsongKi, di na ro Au marpio halahi? Adong he na so sanggup Au dietong roha ni halahi paluahonsa umbaen na sip sajo halahi? Nada he sumurut aek ni laut hara ni parentangKu, Hupauba batang aek gabe padang manyahatang, gabe mate ihan sudena?

JESAYA 37:25

Laing bunggal ma pangkatahonmu, na nihuarmu sumur jana diinum ho aek di angka luat na asing, jana didege-dege angka tentaramu Batang aek Nil lopus mahiang.