JESAYA 19:3 - BIBEL JAMITA NA DENGGAN

³ SundatanKu ma angka sangkap ni Mesir jana manderse halahi baenonKu. Pangidoon ni halahi ma pangurupion tu angka gana-ganaan, mangido piruang dohot panogu-noguon tu angka datu dohot angka tondi.

JESAYA 19:3 Referans Kwoze

JESAYA 8:19

Tapi muda di dokkon halak tu hamu: “Pangido ma piruang tu angka tondi dohot tu angka datu na marhusipi jana mubit-ubit,” alusi ma: “Nada he patut sada bangso mangido piruang tu debatana? Sanga na angkon do mangido piruang tu jolma na dung mate domu tu haporluan ni jolma na mangolu?”

DANIEL 2:2

Hara ni i dipiohon ia ma angka partondung, parjampi-jampi, datu dohot Kasdim laho patorangkon angka nipina i.

1 JUJUR TAON 10:13

Marujung do ngolu ni si Saul hara ni na so setia ia tu Tuhan. Nada mangido panogu-noguon ia sian Tuhan, tapi sian angka tondi ni na mate do. Dilanggar ia do angka na niparentahon ni Tuhan. Jadi hara ni i ma umbaen na niuhum ni Tuhan ia jana dipasahat ma harajaannia i tu si Daud anak ni si Isai.

DANIEL 5:7

Mangarar ma ia lalu mangido anso dipiohon angka datu na malo manjujur, na malo marjampi-jampi dohot na umboto parhalaan. Dung ro halahi, didok raja i ma, “Sanga ise na malo mambasa suratan i dohot paboahon astuanna tu au, lehenonku ma pakean harajaan, i ma baju juba na bunga torung dohot borgok sere tanda ni hasangapon. Tamba ni i angkatonku ma ia gabe parkuaso na patoluhon di bagasan harajaanku.”

JEHESKIEL 22:14

Puluk dope he ulaning sanga margogo dope ho mangangkat tanganmu dung sidung Huuhumi ho? Au Tuhan Debata madung mandok songon i, jana patulusonKu do sanga aha na dung Hudok.

JEHESKIEL 21:7

Muda disapai halahi sanga hara ni aha umbaen na mangangguhi ho, dokkon ma na marsak ho hara ni barita na giot ro. Barita na mambaen mabiar roha ni halahi, gale tangan ni halahi jana humitir dugul ni halahi hara ni na mandele. Tutu do na dung dapot hatihana jana tarjadi do sudena i. Au Tuhan Debata madung mandok songon i.”

JEREMIA 46:15

Biasi maporus Apis, debatamunu na gogo i? Nada he tolap lombu jantanmunu i dope martahan? Tutu do, madung ditaluhon Tuhan ia!’

JESAYA 57:16

Angke nada salolotna Au giot mamorso, jana nada giot salolotna Au muruk, anso ulang gabe gale halahi di jolongKu, hape Au do na mambaen hosa hangoluan.

JESAYA 47:12

Martahan sajo ma ho marhite sude ajimetmi, na nipakemu sian hamenehanmi. Betak na marguna do i mangurupi ho, laho mambiar-biari.

JESAYA 44:25

Hupaoto-oto angka pangaramal, Husursari ramalan ni panjujur nasib. Husungkar angka na nidok ni na malo marhata, Hupatanda na sala habisuhanna.

JESAYA 19:1

On ma tona salaho tu Mesir. Ro do Tuhan tu Mesir manengget ombun na hipas. Humitir ma angka gana-ganaan ni Mesir di joloNia jana menek ma roha ni halak Mesir marnidasa.

JESAYA 15:2

Manangkok ma tu dolok halak Dibon laho mangandungi di inganan pamelean ni angka debata. Di bagasan hancit ni roha andungan ni halak na di Moab ma kota Nebo dohot Medeba. Marcukur ulu ma halahi dohot janggut tanda ni na marhabot ni roha.

JESAYA 14:27

Madung putus roha ni Tuhan Na Markuaso i laho patupahon songon i. Hortang do tanganNia hobas laho manguhumi, jana nada adong sahalak pe na bolas manyundati Ia.

PODA 21:30

Muda Tuhan mangalo ho nada adong tarbaen manolong; magopo do hapistaran, sinaloan dohot habisuhon.

MASMUR 107:27

Moncong halahi marandoalan songon na mabuk na so marroha na torang.

MASMUR 76:12

Ditipulkon Ia do hagiot ni angka parkuaso, mabiar do angka raja maradopkon Ia.

2 SAMUEL 17:23

Dung diida si Ahitofel na so diihutkon hatania i, dipasang ia ma palano ni halodenia, lalu mulak ma ia tu kotania sandiri. Dung dipasidung ia sude urusannia, manyingkot ma ia lalu ditanom di kuburan ni halahi sahorong.

2 SAMUEL 17:14

Umbege i didok si Absalom dohot halak Israel i ma sude, “Dumenggan do na nidok ni si Husai on sian sipaingot ni si Ahitofel i.” Tutu ma antong na dung diputuskon Tuhan laho manyundati sipaingot ni si Ahitofel na denggan i, anso marmara si Absalom.

2 SAMUEL 15:31

Di na dipaboa tu si Daud na dohot muse si Ahitofel rap dohot si Absalom, martangiang ma si Daud, songon on, “O ale Tuhan, sugari disundati Ho ma nian sipaingot ni si Ahitofel!”

1 SAMUEL 25:37

Ancogotna i dung nada be mabuk si Nabal, dipaboa dadaborunia i ma taringot tu sude na masa i. Jadi taroktohon ma si Nabal jana gabe so noma jantungnia jana lumpuon ma pamatangnia.

MASMUR 33:10

Disundati Tuhan do sangkap ni angka bangso, disoadahon Ia do sangkap ni halahi.

DANIEL 1:20

Ganop dipasahat raja i parsoalan na mamorluhon hatorangan dohot partimbangan, sampulu lompit dumenggan diida ia sipaingot dohot hatorangan ni doli-doli na opat i martimbangkon sipaingot dohot hatorangan ni sude partondung dohot panjampi na malo di sude harajaan i.

2 RAJA-RAJA 1:2

Sanoli madabu ma si Ahasia raja ni Israel i sian jandela di tirket parginjang na di bagas godangnia i di Samaria, jabat do posi. Jadi disuru ia ma halak manyapai tu si Baal-Zebub debata ni halak Ekron di Pilistin, sanga na malum dope hilalaonnia sanga nada.