JESAYA 19:21 - BIBEL JAMITA NA DENGGAN

²¹ Patangkason ni Tuhan ma diriNa tu bangso Mesir, lalu tandaon jana sombaon ni halahi noma Ia, jana obanon ni halahi ma haul sisambolon dohot haul sipanganon diSia. Mambaen janji ma halahi mardongan sumpa tuSia jana karejohonon ni halahi ma songon sumpana i.

JESAYA 19:21 Referans Kwoze

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

JESAYA 11:9

Di sude dolokKu na badia, nada adong na jahat sanga pe mara, gok parbinotoan taringot tu Tuhan ma angka luat, songon aek na manggohi dano mangalantap.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

1 PETRUS 2:5

Songon angka batu na mangolu do hamu. Antong ra ma hamu dipake laho pajongjong bagas ni Debata di pangalaho partondion. Jadi gabe angka malim na badia ma hamu jana na mangalehen haul tu Debata markite-hite Jesus Kristus, i ma haul partondion jana na tumbuk di roha ni Debata.

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

ZEPANYA 3:10

Salang sian Kasdim na dao i pe marroan ma angka bangsongKu na marserak i jana haulkononna haul tu Au.

HABAKUK 2:14

Tapi songon laut na nigohan ni aek, laing songon i muse ma portibi on digohi dohot parbinotoan taringot tu hamuliaon ni Tuhan.

JUNUS 1:16

Gabe mabiar situtu ma angka parkapal i tu Tuhan, jana dung mandarat, dihaulkon halahi ma haul jana marjanji ma halahi laho mangoloi Tuhan.

JESAYA 56:7

“BoanonKu ma hamu tu dolokKu na badia i, lehenonKu jop ni roha di hamu di bagas paribadatanKu. JagitonKu angka haul na nihaulkonmunu di langgatanKu. Goaran ma bagasKu bagas partangiangan ni sandok bangso.”

JESAYA 55:5

Satutuna, pioonmu ma angka bangso na so nitandamu, jana bangso na so tumanda ho marlojong mandapotkon ho, hara ni Tuhan, Debatamu, jana hara ni na Sun Badia Debata ni Israel, na pasangapkon ho.”

JESAYA 44:5

Okuon ni halak ma dirina, “Nampuna ni Tuhan do Au,” jana na asing muse mandok dirina marhite goar ni si Jakob, jana na patoluhon manyuratkon di tanganna: “Nampuna ni Tuhan,” jana manggoari dirina marhite goar ni Israel.

JESAYA 37:20

Ale Tuhan Debata, palua ma hami sian angka halak Asur i, anso diboto sandok bangso na di tano on bahaso sasada Ho do Tuhan.”

PARJAMITA 5:4

Jadi muda marjanji ho tu Debata, sigop ma ho patuluskon i. Nada dihagioti rohaNia jolma na bodo pangalahona. Antong patulus ma janjimu.

MASMUR 67:2

anso nian ditanda dalanMu di sude tano on, jana kuasoMu na paluahon i diboto sude bangso.

1 RAJA-RAJA 8:43

sai tangihon ma di ingananMu di banua ginjang tangiang ni halahi jana oloi ma pangidoanna. Gabe songon bangsoMu Israel sude bangso na di tano on, mananda jana mangoloi Ho anso diboto halahi bagas na Hupauli on, i ma inganan paribadatan tu Ho.”

1 SAMUEL 17:46

Pasahaton ni Tuhan ma ho laing di ari sadari on tu au; taluhononku ma ho jana lobongonku ma ulumi. Lehenonku ma pamatangmi dohot pamatang ni angka tentara ni Pilistin i tu angka unggas dohot binatang anso panganonna. Jadi gabe botoon ni na satano on ma, anggo hami bangso Israel adong do Debata na hami somba

MASMUR 61:8

Jadi anggo au, endehononku ma pujian di Ho, lalu hupatulus janjingku sian ari tu ari.

MASMUR 68:31

Dioban halak sian Mesir angka barang na sian tumbaga; pahortang tangan halak Sudan laho martangiang tu Debata.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JESAYA 27:13

Paluon ma di hatiha i sarune laho marpio sude halak Israel na hona buang di Asur dohot di Mesir. Ro ma halahi tu Jerusalem marsomba tu Tuhan di dolokNa na badia.

JESAYA 45:14

Ninna Tuhan ma tu Israel: “Buat ma di ho arta ni Mesir dohot Sudan. Angka halak Seba na tongam i gabe hatoban, mardalan di pudimu halahi marrante-rante. Marsomba ma halahi, lalu dokkononna, ‘Debata mandongani ho; hum Ia do tutu Debata!

JESAYA 49:7

Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.

JESAYA 60:7

Hambeng biri-biri ni Nebayot dohot Kedar dioban tu ho baen tutungon di langgatan gabe ibadatMu. Jadi gabe jop ma roha ni Tuhan. BagasNia mur tu jagarna.

JESAYA 66:23

Ganop Bulan Na Imbaru, ganop Ari Sabat, marroan ma angka jolma sian ganop bangso mardongan sangap, laho manyomba Au di Jerusalem on.

MASMUR 68:32

Marende ma di Debata, o hamu sude harajaan, endehon ma puji-pujian di Tuhan,