JESAYA 19:16 - BIBEL JAMITA NA DENGGAN

¹⁶ Dapot do hatiha ni i, gabe songon dadaboru parila jana parmombut bangso Mesir. Mabiar noma halahi muda diidasa Tuhan Na Markuaso i mangambalkon tanganNa laho manguhumi halahi.

JESAYA 19:16 Referans Kwoze

NAHUM 3:13

Gale-gale do angka paranganmu songon dadaboru jana harajaonmu saotik pe nada adong geldokna mangadopi musu. Panganon ni api ma sude angka goruk-goruk ni pintu ni horbanganmu.

JEREMIA 51:30

Madung maradian tentara ni Babel marporang jana di angka benteng noma halahi tinggal. Ma pola mago habaranion ni halahi jana nada be margogo. Madung hona onjar angka pintu ni horbangan, jana disurbui angka bagas.

JEREMIA 50:37

Kudo dohot karetana angkon diropuhi, angke tentara na niongkosan nada be margogo. Diabiskon ma sude hakayoan ni Babel, sinadonganna i dirampas.

JESAYA 11:15

Pahiangon ni Tuhan ma dohot Solok Sues. BaenonNia ma mangombus alogo na milas lopus mahiang Batang aek Efrat jana gabe pitu batang aek na pejet-pejet ma disi jana sude halak tarbaen manariparisa.

ZAKARIA 2:9

“Satutuna giot laluhononKu ma tanganKu tu halahi, jana halahi gabe ditaban angka halak na di toru ni kuasona hian. Jadi botoonmunu ma bahaso Tuhan Na Markuaso i do na marsuru au.”

JESAYA 10:32

Di kota Nob ma sadari on musu i, jana disi ma halahi mamohul tenjuna maradopkon Dolok Sion tu kota Jerusalem.

IBRANI 10:31

Na jorbut situtu do muda madabu hita tu tangan ni Debata Na Mangolu i!

JESAYA 30:17

Hum mida sada halak tentara ni musu pe, maporus ma hamu saribu halak, jana lima halak pe tentara ni halahi diida hamu, tuk ma i mambaen maporus hamu sudena. Na tading sian tentaramunu hum sada tiang ni mandera noma di ginjang ni puncut ni dolok.

MASMUR 48:6

Humitir be ma halahi mabiar disi jana mangae na hancit songon ina na giot di api.

1 KORINTUS 2:3

Dompak rap au dohot hamu, gale jana humitir do au hara ni na mabiar.

2 KORINTUS 5:11

Hami boto do tangkas, sanga songon dia na nidok mangkabiari Debata; i do umbaen na manggogo hami papos roha ni halak na asing. Tangkas sajo do hami ditanda Debata, jana pos muse do rohangku torang muse au di bagasan rohamunu.

JESAYA 13:2

Pajongjong ma mandera porang di puncu ni dolok na gundul! Marsurak ma tu angka parajurit, jana patoltol ma tanganmu tanda ni na giot mangaroro halahi mamorangi kota na gakgak i jana mangonjar angka horbanganna.

HARURUAR 11:6

Di sude tano Mesir tarbege ma angguk-angguk na gogo na so unjung masa jana na so masa be.

OBAJA 1:9

Mabiar be ma angka parporang na sian Teman, jana marmatean sude parangan ni Edom.”

ZAKARIA 2:13

Maringanan ma hamu sudena di jolo ni Tuhan! Angke madung ro Ia antong sian inganan parmiananNia na badia i.

ZAKARIA 10:11

Muda mamolus lautan ni hasusaan halahi, Au Tuhan mamukul angka ombaknai, tandolan ni Batang aek Nil pe gabe mahiang. Diparenjep ma Asur na bulbul i, jana agoan kuasona ma Mesir na gogo i.