JESAYA 19:11 - BIBEL JAMITA NA DENGGAN

¹¹ Na santak antong bodona angka pamimpin ni kota Zoan! Halak Mesir na umbisukna pe mangalehen sipaingot na lobi oto! Puluk ma da halahi mandok tu raja i paboahon na pomparan ni angka halak na marroha dohot raja-raja sian na robi halahi!

JESAYA 19:11 Referans Kwoze

BILANGAN 13:22

Parjolo, kehe halahi tu Selatan ni luat i jana lalu ma di kota Hebron inganan ni halak Ahiman, Sisai dohot Talmai, pomparan ni sada bangso na marpamatang raksasa, i ma na nidok halak Enak. (Kota Hebron dipajongjong pitu taon andorang so kota Zoan di Mesir.)

BAENON NI ANGKA RASUL 7:22

Sudena parbinotoan ni halak Mesir diajarkon do tusia jana gabe halak na marsahala situtu do ia muda mandok hata dohot mambaen sanga na aha.

JESAYA 30:4

Haru pe na dung lalu angka suruan ni Juda i tu kota Zoan dohot Hanes na di Mesir,

MASMUR 78:43

di na nibaenNia angka hahomangan dompak di Mesir, dohot angka na ganjil-ganjil di padang Zoan.

1 RAJA-RAJA 4:30

Di angka luat na di Habincaran dohot na di Mesir nada adong halak na ummalo sian ia.

MASMUR 78:12

Di jolo ni angka ompu ni halahi, dibaen Debata hahomangan di Luat Mesir, di napa Zoan.

JEHESKIEL 30:14

Sude Mesir; Patros sabola Selatan giot baenonKu mangalungun jana kota Soan na di Utara giot surbuonKu. Tebe kota sabungan i giot uhumanKu,

JEHESKIEL 7:26

Mardapot-dapot ma parmaraan dohot barita na jatjat marroan. Pangidoonmunu ma anso ro nian panurirang na giot paboa alatan, hape nada tarbaen halahi. Boti muse nada adong sanga aha di angka malim siajarkononnia tu bangso i, angka pamimpin pe madung abis sipaingot na nibotona.

JEREMIA 49:7

On ma na nidok ni Tuhan Na Markuaso salaho tu Amon, “Adong he na so tarbaen halak Edom be marpikir torang? Adong he na so dilehen angka panuturi ni halahi be sipaingot tu halahi?

JEREMIA 10:21

Hualusi ma, “Angka na oto do pamimpinta i; na so mangido panogu-noguon do halahi sian Tuhan, patunda ni i ma umbaen na so manjadi halahi jana gabe marserak hita on sun tu dia.

JEREMIA 10:14

Marnida sudena i, mamoto ma jolma, na oto do hape ia jana na soada hapistaranna. Maila ma angka na mambaen patung angke na so marguna jana na so marhosa do gana-ganaan na nipaulina.

JESAYA 44:25

Hupaoto-oto angka pangaramal, Husursari ramalan ni panjujur nasib. Husungkar angka na nidok ni na malo marhata, Hupatanda na sala habisuhanna.

JESAYA 29:14

Hara ni i, baenonKu ma parkaro halongangon tu bangso i, halongangon na pahomangkon roha. Gabe maoto ma halak na marroha, jana nada marguna be hamaloan ni halahi.”

JESAYA 19:13

Jolma na bodo do angka pamimpin di Zoan dohot Memphis. Nanggo na mamimpin halahi, na mur paliluhon bangso i noma dohonon.

JESAYA 19:3

SundatanKu ma angka sangkap ni Mesir jana manderse halahi baenonKu. Pangidoon ni halahi ma pangurupion tu angka gana-ganaan, mangido piruang dohot panogu-noguon tu angka datu dohot angka tondi.

PODA 30:2

“Umoto do au sian halak na asing; nada adong di au pangastuion.

MASMUR 92:6

Anggo halak na bodo nada mangarti halak na oto nada mangastui,

MASMUR 73:22

maoto au, nada mangastui, songon binatang do au di adopanMi.

MASMUR 33:10

Disundati Tuhan do sangkap ni angka bangso, disoadahon Ia do sangkap ni halahi.

JOB 12:17

Diela Ia bisuk sian parkuaso di pamarenta, jana angka pamimpin gabe sipartataan dibaen Ia.

JEREMIA 8:9

Pailaon noma angka halak na pistar di tonga-tongamunu; mago ma roha ni halahi jana tarjorat. Nada ra halahi manangihon sipaingotKu; saonnari hapistaran aha dope na tading di halahi?

JEREMIA 46:17

Lehen ma goar na imbaru tu Mesir: ‘Si Gaor na so marhasayangkon ari-ari.’

JEHESKIEL 28:17

Rupamu na tongam i ma mambaen ho gakgak jana patunda ni habonggalanmi ma mambaen maoto ho di pangalahomu. Jadi hara ni i Hutombomkon ma ho tu tano jana Hubaen gabe sipatondit tu angka raja na asing.”

OBAJA 1:7

Dipaoto-oto angka donganmu ho jana dipaorot sian tanomu. Talu ho dibaen angka ale-alemu, ise na rap mangan dohot ho, i do na mambaen jorat tu ho. Sapa-sapa do halahi taringot tu dirimu, ‘Dia dehe sude hamaloannia i?’

HARURUAR 8:4

Mangamburi ma tohuk i tu pamatangmu, tu pamatang ni rayatmu dohot tu sude menterimu.’ ”

HARURUAR 8:14

Dipalagut halak Mesir i ma bangke ni tohuk i marturpuk-turpuk, jabat bau sude luat i.

1 RAJA-RAJA 5:10

Dung i dilehen si Hiram ma di si Salomo sude hayu Ares Libanon dohot hayu Ares na somal sanga sadia na porlu disia.

OBAJA 1:8

Nada he hatiha i songon on do didok Tuhan, “AbiskononKu ma angka halak na pistar sian Edom dohot habisuhon sian partoran Esau?