JESAYA 18:1 - BIBEL JAMITA NA DENGGAN

¹ Di ipar ni angka Batang aek Sudan tarbege do sora songon pamaspas ni habong.

JESAYA 18:1 Referans Kwoze

ZEPANYA 3:10

Salang sian Kasdim na dao i pe marroan ma angka bangsongKu na marserak i jana haulkononna haul tu Au.

2 RAJA-RAJA 19:9

Madung tarboto tu halak Asur i na dung dipardalanan tentara ni Mesir na nipimpin ni si Tirhaka raja ni Sudan ro laho mamorangi halahi. Umbege i, ditongos raja Asur ma surat tu si Hiskia raja ni Juda.

ZEPANYA 2:12

Pangisi ni Etiopia pe mate noma uhuman ni Tuhan.

MATEUS 23:37

“Jerusalem, Jerusalem! Dibunu ho do angka panurirang, didangguri ho do dohot batu angka na nisuru ni Debata tu ho! Ma pola piga noli dihalungunkon rohangKu laho manghaol sude halak na mangingani ho songon pambaen ni inang ni manuk manggobak angka anakna di toru ni habongna, hape nada ra hamu!

JEHESKIEL 30:9

“Muda dung dapot ari i, jana madung maronco Mesir, tongosonku ma angka utusan marhite angka kapal laho manyonggot halak Etiopia na topet lalap i, jadi gabe bajoaraon ma halahi. Ligi da, tutu do angkon ro ari i!”

JESAYA 31:1

Marjaya ma halak na kehe tu Mesir laho mangido pangurupion. Dipangasahon halahi do hagogoan ni tentara ni Mesir, dohot parangan na manengget kudo dohot kudonia na gogo i songon i karetana na bahat i. Hape nada porsaya halahi tu Tuhan, Debata Na Badia ni Israel sanga pe mangido pangurupionNia.

MASMUR 91:4

SaonganNia ma ho dohot habongNia, gabe sonang ma ho di linggomanNia. Jagohonon jana ondihononNia ma ho marhite habonaranNia.

MASMUR 63:7

angke Ho do antong na mangurupi au, marriang-riang au marende di linggom ni habongMu.

MASMUR 61:4

Padiar mamanompang di undung-undungMu au salolot au mangolu, anso sonang au di linggoman ni habongMu.

MASMUR 57:1

Ibo ma rohaMu, mida au, ale Debata, ibo ma rohaMu di au, angke marpangondian tu Ho do au. Di linggoman ni habongMu do au martabuni, lopus mantak angka panyego-nyego i.

MASMUR 36:7

Na arga ma da antong holong ni rohaMu na manongtong i ale Debata, marlinggom di toru ni habongMu do hami.

MASMUR 17:8

Ondingi au, songon pangondingiMu di anak ni mata, bunihon au tu bagasan parsilaungan ni habongMu,

RUT 2:12

Sai dibalos Tuhan ma hadenggananmi. Jana hara ni na dung ro ho marsilaung tu Tuhan, Debata ni Israel, sai dilehen Ia ma antong parlinggoman sagokgokna di ho!”

JESAYA 37:9

Madung lalu barita tu halak Asur na ro parangan ni Mesir na niuluhon ni si Tirhaka raja ni Sudan laho manyerang halahi. Umbege i, ditongos raja Asur ma surat tu si Hiskia

JESAYA 45:14

Ninna Tuhan ma tu Israel: “Buat ma di ho arta ni Mesir dohot Sudan. Angka halak Seba na tongam i gabe hatoban, mardalan di pudimu halahi marrante-rante. Marsomba ma halahi, lalu dokkononna, ‘Debata mandongani ho; hum Ia do tutu Debata!