JESAYA 17:2 - BIBEL JAMITA NA DENGGAN

² Tadingkonon noma angka kota ni Siria salolot-lolotna jana gabe inganan ni pahan-pahanan noma i; umpe adong sahalak na mangayaksa.

JESAYA 17:2 Referans Kwoze

JEHESKIEL 25:5

PaubaonKu ma kota Raba gabe parmahanan ni unto, jana tano Amon sudena Hubaen gabe inganan parmahanan ni biri-biri. Jadi gabe botoonmunu ma Au do Tuhan.’ ”

JEREMIA 7:33

Angka bangke i ma panganon ni unggas dohot binatang panyoro jana nada adong manyosaksa.

ZEPANYA 2:6

Luat Topi Laut angkon gabe inganan ni angka parmahan dohot bara ni biri-biri.

MIKA 4:4

Mangolu be jolma di bagasan na aman jana marhasonangan ditonga-tonga ni kobun anggur dohot kobun arana; nada adong be na pabiar-biarkon, i ma da janji ni Tuhan Na Markuaso.

PANGARATAION 2:36

Dipadiar Tuhan Debata do hita mangarampas kota i sudena, mamungka sian Aroer, di topi ni Batang aek Arnon, dohot kota na di tonga ni rura i, di sude dalan na tu Gilead. Nada adong kota na matogutu tembokna di hita.

BILANGAN 32:34

Dipauli Marga Gad ma mangulahi kota Dibon, Atarot, Aroer,

JEREMIA 48:19

Hamu angka na maringanan di Aroer, marjongjongan ma hamu di topi dalan jana parrohahon ma. Sapai hamu ma tu angka na kehe palua dirina, ‘Aha dehe na masa?’

PANGARATAION 3:12

“Dung gabe hita nampuna tano i, hupasahat ma tu Marga Ruben dohot Gad luat na di Utara ni kota Aroer na di lambung ni Batang aek Arnon, dohot deba tano partoran Gilead dohot angka hutana.

JESAYA 7:21

Anggo di ari i, hum sada lombu dohot dua hambeng sajo ma na tolap partani marmahanisa.

JESAYA 5:17

Dung i angka biri-biri angkon manjampali di si songon di padangna sandiri jana angka hambeng manjalahi sipanganonna di bagasan ronco-ronco ni tembok ni halak na kayo.

JOSUA 13:16

Lalu do tano ni halahi tu Aroer (na di topi ni Batang aek Arnon) dohot kota na di tonga-tonga ni rura i lopus tu napa na gincat sudena na humaliang Medeba;

JOB 11:19

Nada habiaranmu be musumu. Jana bahat ma halak mangido urupanmu.

JESAYA 7:22

Susu ni pahan-pahanan i pe madung lobi sian na tuk laho manggohi haporluan ni partani i tu haporluanna hara ni hurangna bahat ni jolma na mangingani luat i. Tutu do, sanga na piga-piga halak nari na tading di luat i mangan susu ma dohot aer ni loba.

JESAYA 27:10

Madung marumpak jana gabe buang kota na marbenteng i songon halongonan na mamolngit. Manjampal lalu maradian disi noma angka hulanan ni pahan-pahanan manjampali bulung-bulung sian dangka ni hayu na adong disi.

JEHESKIEL 39:26

Jadi muda mangulahi sonang halahi maringanan di tano ni halahi sandiri, jana nada adong be sahalak pe na mangondam halahi, gabe halupahonon ni halahi ma sanga songon dia hahaila na masa tu halahi hara ni na manghalupahon Au.

JOSUA 13:25

Masuk tu bagian ni halahi do Jaser dohot sude kota na di Gilead dohot satonga sian luat ni bangso Amon marbalok di Aroer na di Habincaran ni Raba;