JESAYA 16:6 - BIBEL JAMITA NA DENGGAN

⁶ Didok bangso Juda ma, “Madung hami bege sanga songon dia ginjang ni roha ni Moab. Hami boto do na gakgak halahi jana na bunggal, hape hatana na teal i na so marisi bagi aha do i.”

JESAYA 16:6 Referans Kwoze

AMOS 2:1

Songon on ma didok Tuhan, “Hara ni na dung mardosa halak Moab marhite tolu hajahatan, lopus tu opat hajahatan, nada tarikonKu be haputusanKi, angke madung ditutungi halahi holi-holi ni Raja Edom gabe hapur.

JEREMIA 48:42

Maronco noma Moab jana nada be tardok margoar sada bangso, patunda ni na mangalo halahi tu Au.

JEREMIA 48:26

Didok Tuhan ma, “Baen ma Moab gabe mabuk, hara ni na mangalo ia tu Au. Margiling-giling ma ia di uta-utania i jana partataan ni halak.

JEREMIA 50:36

Angkon bunuon sude angka panurirang ni Babel, angke pargabus do halahi jana na oto. Tentara ni Babel pe angkon laing bunuon do; mabiar do halahi sudena.

JESAYA 44:25

Hupaoto-oto angka pangaramal, Husursari ramalan ni panjujur nasib. Husungkar angka na nidok ni na malo marhata, Hupatanda na sala habisuhanna.

JESAYA 28:18

Soadahonon ma parjanjianmunu dohot hamatean, jadi muda ro parmaraan, hona noma hamu.

JESAYA 28:15

Maginjang ma rohamunu hara ni na dung mambaen parjanjian dohot hamatean dohot na dung satahi hamu dohot kuburan. Madung pasti di pangkilalaanmunu na so hahuaon ni parmaraan na giot ro i be hamu, umbaen na mamake tipu akal hamu laho manjagohon dirimunu.

JESAYA 2:11

Dapot ma hatihana parenjepon halak na gakgak, halak siginjang roha patunduhon, jana Tuhan i sandiri noma sipasangapon. Anggo di ari i patutoruon ni Tuhan noma sude sanga ise na markuaso, na ginjang roha dohot halak na gakgak.

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”

PODA 21:24

Jolma na oto jana siginjang roha sai mangincahi do i jana pamalo-malohon.

JESAYA 25:11

Surduhonon ni pangisina ma tanganna songon halak na giot marlange. Hape na giot patutoruon ni Tuhan ma halahi lopus gale tanganna i nada margogo.

JESAYA 15:1

On ma Tona Ni Debata salaho tu Moab. Madung dironcohon kota Ar dohot Kir di bagasan saborngin, jana mamolngit ma Luat Moab.

JESAYA 25:10

Ondihonon ni Tuhan ma Dolok Sion, tapi anggo Moab dege-degeonNia do songon durame di inganan ni rompak.

JEREMIA 48:14

Biasi didokkon halaklahi ni Moab, ‘Na gogo do hami, tentara na barani na dung tammat di bagasan parporangan?’