JESAYA 16:12 - BIBEL JAMITA NA DENGGAN

¹² Marloja-loja halak Moab manganangkohi tor tu inganan paribadatan ni halahi laho martangiang, hape nada adong gunana.

JESAYA 16:12 Referans Kwoze

JESAYA 15:2

Manangkok ma tu dolok halak Dibon laho mangandungi di inganan pamelean ni angka debata. Di bagasan hancit ni roha andungan ni halak na di Moab ma kota Nebo dohot Medeba. Marcukur ulu ma halahi dohot janggut tanda ni na marhabot ni roha.

JEREMIA 48:35

Giot antahonKu halak Moab manutung haul di angka inganan pamelean ni halahi jana antahonKu halahi mamelehon haul tu angka debata ni halahi. Au Tuhan, madung, mandok songon i.

1 RAJA-RAJA 18:29

Songon i sajo ma halahi lopus potang ari songon dia ma jolma na susur-susuran; hape nada adong na mangalusi, nada adong na mampardulihon.

BILANGAN 23:28

Dung i dioban ia ma si Bileam tu puncut ni Dolok Peor na adop parhorsihan i.

BILANGAN 23:14

Jadi dioban si Balak ma si Bileam tu Zopim, di puncut ni Dolok Pisga. Disi pe dipajongjong ia muse pitu langgatan jana dihaulkon ia sada lombu jantan, sada biri-biri jantan di ganop langgatan i.

BILANGAN 22:39

Dung i kehe ma si Bileam dohot si Balak tu kota Husot.

JEREMIA 48:46

Marjaya ma Moab! Halak na manginganisa na marsomba tu Debata Kamos ditimpaskon, jana angka dakdanak ni halahi madung ditaban jana dioban.

JEREMIA 48:13

Tarhirim ma Moab maradopkon Kamos debata ni halahi i, tudos songon Israel na tarhirim i maradopkon Betel na nipangasahon ni halahi i.

JEREMIA 48:7

Moab! Dipangasahon ho ma hagogoan dohot sinadonganmu. Hape anggo saonnari taluhonon noma ho. Obanon ma tu habuangan i ma Kamos debatami rap dohot angka malimna maradu angka na mora-mora.

JEREMIA 10:5

Songon halak-halak na di kobun ancimun do patung gana-ganaan i. Nada mangkuling, nada mardalan, jana angkon angkaton do i dibaen na so malo mardalan. Ulang hamu mabiar mida i, angke na so tarbaen i do mambaen na jahat tu hamu; mambaen na denggan pe nada margogo i muse.”

JESAYA 47:13

Madung sorat ho hara ni bahat ni sipaingot. Piohon ma antong angka partondung, anso malua ho. Diparsiajari halahi do angka bintang, jana ditontuhon batas ni langit na hembang. Ganop bona ni bulan na imbaru diramal halahi ma bagianmu.

JESAYA 37:38

Sanoli dompak marsomba ia di bagasan pamelean ni Debata Nisroh, hona bunu ma ia dibaen podang ni si Adramelek dohot si Sareser, angka anaknia do i. Dung i lari ma halahi tu Luat Ararat. Jadi anaknia na asing ma gontinia gabe raja, i ma na margoar si Esarhadon.

JESAYA 26:16

Ale Tuhan, hatiha na sompit dijalahi halahi do Ho, hatiha hona uhumMu, tu Ho do halahi pio-pio di bagasan tangiang.

PODA 1:28

Anggo di hatiha i, pio-pio ma hamu tu au tapi nada alusanku hamu. Jalahanmunu ma au sun tu dia, tapi nada dapot hamu be au.

2 RAJA-RAJA 19:12

Di na nironcohon ni angka ompungku kota Gosan, Haran dohot Resep jana dibunu halak Eden na maringanan di Telasar, umpe sada sian angka debata ni halahi i na paluahon halahi.

2 RAJA-RAJA 3:27

Jadi gabe dibuat ia ma anak na giot panggontinia lalu dihaulkon ia ma i di ginjang ni tembok ni kota i gabe haul tu dewa ni Moab. Gabe mabiar ma angka halak Israel, jabat ditarik halahi pasukanna sian kota i lalu mulak tu luat ni halahi.

1 RAJA-RAJA 11:7

Di ginjang ni dolok na di Habincaran ni Jerusalem i, dipajongjong ia do inganan parsombaan tu Kamos, debata ni Moab dohot tu Molok debata ni bangso Amon – na nihagigihon do debata na dua i.

BILANGAN 24:17

Madung huida na giot masa muse di Israel. Sada raja na marasal sian Israel. Giot ro songon parbincar ni bintang, sada bintang na marlalai, na marsinondang. Pamimpin ni Moab giot libasonnia angka bangso Set giot taluhononnia.

BILANGAN 22:41

Ancogotna i dioban si Balak ma si Bileam manangkok tu tor Bamot Baal. Sian inganan i diida si Bileam ma deba halak Israel.

BILANGAN 21:28

Jungada ma sanoli di kota i, tentara ni si Sihon maju songon api. Kota Ar di Moab dironcohonsa. Angka tor saginjang ni Arnon ditolonsa.

JESAYA 16:13

I ma da tona na nilehen ni Tuhan najolo salaho tu Moab.