JESAYA 16:11 - BIBEL JAMITA NA DENGGAN

¹¹ Hara ni arsakku hutangisi do Moab, jana huarsakkon do Kir-Heres.

JESAYA 16:11 Referans Kwoze

JESAYA 15:5

Ibo do rohangKu mida Moab! Mangungsi noma halak kota i tu Zoar dohot tu Eglat Selisia. Adong ma deba na manangkok di dalan na tu Luhit laing tumatangis; adong na marlojong tu Horonaim laing gogo mangangguhi.

PILIPPI 2:1

Nada he hara ni na mangolu i do hamu di bagasan Kristus umbaen na margogo hamu? Umbaen na tarapul pe hamu hara ni na holong do rohaNia mida hamu! Solkot pe hamu sama hamu, hara ni na nitogu-togu ni Tondi i do hamu, jana marsihaholongan muse do hamu bope marsiasi-asian.

HOSEA 11:8

Didok Tuhan ma, “Ale Israel nada padiaronKu ho sanga tadingkononKu. Tarbaen Au ma he tu ho songon parabis ni Adma? Sanga Hubaen ho songon Zeboim? Nada torus rohangKu mambaen songon i, hara ni godang ni holong ni rohangKu tu ho!

JEREMIA 48:36

Ma pola mago sude hakayoan ni Kirheres dohot Moab sudena. Dangol huhilala marnida na masa i tu halahi; songon halak na mangendehon ende andung au marhite suling.

JESAYA 63:15

Ale Tuhan, tatap ma hami sian banua ginjang, sian ingananMu na badia jana marmulia. Di dia do pangiburuMu dohot hagogoonMu? Di dia do holong dohot ibo ni rohaMu? Di dia do diparrohahon Ho hami? Ulang ma nian manghohom Ho tu hami.

JEREMIA 31:20

O Israel, ho do anak hasianKu, anak haholongan, tampuk ni pusu-pusungKu. Ganop Huondam ho sai lungun do rohangKu marningot ho. Gok ibo ni roha do giot baenonKu tu ho.

JEREMIA 4:19

Iale hancit ni rohangkon, jana na dangol ma antong di au on. Nada be tarpompom au diringku gumadobur taroktokku, angke hubege do sarune mangkulingi, jana sora ni surak-surak porang marsaringari.

JESAYA 21:3

Patunda ni parnidaan i gabe mabiar jana hancitan ma au songon dadaboru na topet manubuhon dakdanak.

JEREMIA 48:31

Patunda ni i tangisanku noma ganop be sian hamu, tangisanku noma angka halak na di Kirheres, kota hagodanganmunu i.

ANDUNG 1:20

O ale Tuhan! Parrohahon ma au, sak do rohangku jana mabiar; magopu hara ni dosangku. Di angka dalan masa mamunu jolma di bagasan bagas, jolma marmatean muse ma.