JESAYA 16:10 - BIBEL JAMITA NA DENGGAN

¹⁰ Umpe adong sahalak na marjop ni roha di angka ladang na napu i. Nada adong na pio-pio sanga na marende di kobun anggur i. Nada adong na mamoro anggur laho mambaen aek ni anggur. Madung marujung surak-surak jop ni roha.

JESAYA 16:10 Referans Kwoze

JEREMIA 48:33

Madung pola mago hamogaan dohot jop ni roha sian tano Moab na napu i. Au mambaen mantak aek ni anggur mardalan sian pangilangan ni anggur; nada adong be halak na pature anggur dohot na marsurahi marjop ni roha.

AMOS 5:17

Di sude kobun anggur, mangandung ma halak, muda mardalan Au sian tonga-tongamunu,” ninna Tuhan.

AMOS 5:11

Dipisat hamu do halak na pogos jana dirampas hamu dohot gandumna. Hara ni i, nada be ingananmunu angka bagas batumunu na jeges-jeges i na nipajongjongmunu jana nada inumonmunu be anggur na sian kobun anggur na nisuanmunu.

HAKIM-HAKIM 9:27

Kehe ma halahi mamutik anggur di angka kobun anggur, lalu mambaen anggur siinumon jana mambaen pesta. Mangan minum ma halahi di inganan pamelean ni debata ni halahi lalu disumpai halahi ma si Abimelek.

ZEPANYA 1:13

Hona rampas ma sinadongan ni halahi jana roncohonon ma bagas ni halahi. Pajongjongon ni halahi ma bagas, tapi nada ingananna. Karejohonon ni halahi ma kobun anggur tapi nada inumonna anggurna.

JESAYA 32:10

Saonnari tola ma hamu puas, tapi tar sataon nari mandele noma hamu, angke nada adong batu ni anggur di hamu di hamamasa ni musimna.

JOB 24:11

Dibaen ia do miak sian zetun dohot inumon sian anggur, hape anggo ia laing na manguas sun.

JESAYA 24:11

Marsurak-surak ma angka jolma di dalan-dalan i hara ni na abis anggur. Madung mago jop ni roha salolot-lolotna, jana hamogaan lintop sian sisik ni tano on sudena.

JOEL 1:12

Bona ni hayu sipanganon di padang gabe mahiang sudena: bona ni anggur, ara, appel, kurma dohot dalimo, gabe mago ma tata jop ni roha, limpot ma sian bangso i jop ni roha.

AMOS 9:13

Didok Tuhan ma, “Dapot do i hatihana, simbur sajo partubu ni gandum, gabe nada mantak hatiha ni sabion. Ompot sajo ma martumbur bona ni anggur lopus gabe torus-torusan halak mambaen aek ni anggur. Manetehi ma aek ni anggur na imbaru sian angka dolok jana mardalan ma i tu angka tor.

JEHESKIEL 7:7

Madung marujung sasudena di ho, ale bangso na maringanan di luat on. Saonnari nada adong be angka hariburon di langgatan na di dolok; hum hagaoron noma na adong.