JESAYA 15:7 - BIBEL JAMITA NA DENGGAN

⁷ Dibolusi angka halak ma Batang aek Haarabim laho paluahon dirina be dohot sinadonganna.

JESAYA 15:7 Referans Kwoze

JEREMIA 48:36

Ma pola mago sude hakayoan ni Kirheres dohot Moab sudena. Dangol huhilala marnida na masa i tu halahi; songon halak na mangendehon ende andung au marhite suling.

JESAYA 30:6

Songon on ma tona ni Debata salaho tu angka binatang na maringanan di padang halongonan na di Selatan: “Bobanan ni angka suruan i ma halode dohot unto ni halahi dohot angka silua, dung i boluson ni halahi ma luat na gok parmaraan, na niinganan ni singa, ulok na bisa dohot naga na marhabong. Dipasahat halahi ma angka silua i tu sada bangso na so lobassa mangurupi halahi.

JESAYA 10:14

Songon asar ni unggas do angka bangso di tano on, mura do hubaen mambuati sinadongan ni halahi, songon pambuat ni halak di pira na di asar. Umpe adong habong na manggerpos laho manyonggot au, nada adong na mambuka tuktukna laho marsurak tu au!”

JESAYA 10:6

Hutongos do Asur laho manguhumi bangsongKu na marbalik jana na mambaen Au muruk. Husuru do Asur laho mangarampas dohot manangko lalu mangalonca-lonca bangsongKu songon abu na di dalan i.”

JESAYA 5:29

Angka parajuritna i songon singa na baru manangkup soroanna parngaurna, jana muda dilojongkonsa nada adong na bisa paluahonsa sian halahi.

HAMALIMON 23:40

Di ari parjolo i ma ho mambuat parbatu ni suan-suananmu, buat muse ma angka bulung ni harambir dohot bulung sian dangka na rimbun, dung i mamungka ma pesta parayaan ugamo i laho pasangapkon Tuhan Debatamu.

JESAYA 15:8

Sanga na di dia pe parbalohan ni Moab, habegean ma sora ni na tangis. Tarbege do pangandungna i di Eglaim dohot Beer-Elim.