Biblia Todo Logo
Bib sou entènèt

- Piblisite -




JESAYA 15:4 - BIBEL JAMITA NA DENGGAN

4 Mangangguhi ma halak Hesbon dohot Eleale jana habegean do angguk ni halahi i lalu tu Jahas. Salang angka tentara pe humitir do; manyikur be hara ni biarna.

Gade chapit la Kopi




JESAYA 15:4
19 Referans Kwoze  

Martangisan ma halak na di Hesbon dohot Eleale jana tarbege partangis ni halahi i lalu tu Jahas, jana habegean muse do tu angka jolma na sian Zoar lopus tu Horonaim dohot Eglat Selisia. Tangis halahi hara ni na mahiang muse aek di anak ni Batang aek Nimrim.


Anggo na lima bulan i maradu mate ma nian giot ni jolma i, hape nada tarbaen halahi mate; por roha ni halahi nian anso mate, hape dao do hamatean i sian halahi.


Dung bincar mataniari, diparo Debata ma alogo na milas na mangombus sian Habincaran. Giot tarkatos ma si Junus hara ni pandoit ni mataniari i songon dia na manutung ulunia. Gabe mandele ma ia jana por rohania sugari mate. Ning ia ma, “Gumonan noma da iba mate ulang pado mangolu!”


Saonnari ale Tuhan, padiar ma mate au, angke gumonan noma au mate ulang pado mangolu.”


Biasi he angkon sai tubu au? Hum anso marhancit dehe jana hasusaan? Dohot anso ngolungku marsalpuan hum di bagasan hahaila?


Jadi sanga ise halak na laing mangolu sian bangso na jahat na Husarsarkon on sun tu dia, gumonan noma dihilala halahi mate ulang pado mangolu. Au Tuhan Na Markuaso, madung mandok songon i.”


jana kehe ma ia dalanan pat sadari daona tu parhorsihan jana maradian ma ia di toru ni hayu na rumbun. Juguk ma ia disi jana gumonan noma mate ning rohania. “Nada tahan au be on Tuhan,” ning ia tu Tuhan. “Buat ma da hosangkon, dumengganan noma au mate!”


Tapi nada dipaloas si Sihon halahi. Dihara ia do sude tentarania lalu mambaen markas di Jahas, dung i diporangi halahi ma Israel.


Jahas, Kedemot, Mefaat,


Jadi ro ma si Sihon dohot sude parangannia laho mamorangi hita di lambung ni kota Jahas,


Tapi nada diloas Raja Sihon boluson ni halak Israel luatna i. Dipalagut ia ma tentarania lalu kehe tu Jahas di halongonan laho mangalo halak Israel disi.


Muda laing songon i do baenonMu Tuhan tu au, ibo ma rohaMu, gonan ma au bunu anso ulang hutaon be parkancitan na niampehonMon tu au.”


Jadi didok si Ribka ma tu si Ishak, “Loja do da au paida-ida angka ripe ni si Esau na sian boru ni bangso na asing i. Anggo dohot noma si Jakob muse mambuat boru ni halak Het, gumonan noma da mate iba.”


Jungada ma sanoli di kota i, tentara ni si Sihon maju songon api. Kota Ar di Moab dironcohonsa. Angka tor saginjang ni Arnon ditolonsa.


“Madung didabu uhuman di angka kota na di luat ni napa na gincat: Tu Holon, Jahas, Mefaat.


Swiv nou:

Piblisite


Piblisite