JESAYA 13:9 - BIBEL JAMITA NA DENGGAN

⁹ Na giot ro ma ari ni Tuhan i, jana di ari i palaluon ni Tuhan i ma hagusaronNa dohot muruk ni rohaNa na tarlobi. Gabe halongonan ma portibi on, jana mago ma sanga ise halak pardosa.

JESAYA 13:9 Referans Kwoze

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

JESAYA 13:6

Mangandungi ma hamu, angke madung donok ari ni Tuhan i. Di ari i, paroon ni Tuhan Na Gumincat i ma hamagoan.

NAHUM 1:2

Nada ra Tuhan Debata marimbang, sanga ise na mangalo Ia, ingkon dapot uhuman. Di parpiar ni murukNa, tu halahi, dibaloskon Ia pambaenanna be.

MASMUR 104:35

Padiar ma mago anggo pardosa sian tano on, padiar ma parjahat i abis dipusai. Puji ma Tuhan, ale tondingku! Puji ma Tuhan!

PODA 2:22

Tapi anggo halak na jahat dohot parjehe paruaron do sian luat on, songon duhut na niumpat sian tano.

HALUMBAAN 18:8

Hara ni na songon i ma gabe angkon hona bala ia tompu di sada ari – nyae, hamarsahan dohot tangkuraparon. Tutungon ma ia tu api angke na sun do kuaso ni Tuhan Debata i na mangadili ia.”

JESAYA 9:19

Muruk situtu Tuhan Na Markuaso i jana panguhumNa pe songon api na marsigorgor jana bangso i ma songon purunan siabiskononna. Umpe adong sahalak na maribo ni roha mida kahanggina.

JEHESKIEL 13:5

Nada dijagohon halahi angka inganan ni tembok na marsegoan jana nada dipauli halahi muse angka tembok i. Jadi nada tarpartahankon anggo Israel, muda ro Tuhan di arina manguhumi.

JOEL 1:15

Nada sadia honok nari ari ni Tuhan dapot ne ma, disi ma hatihana Na Markuaso i parohon mara. Na jorbut sun do ari i dibaen maroban arsak dohot hasegoan do i.

JOEL 2:31

Manggolap ma mataniari jana bulan pe marrara songon mudar dompak so dapot ari ni Tuhan i, i ma ari na godang jana sihabiaran!

NAHUM 1:8

jana patariparhon halahi dompak ro banjir. Abiskonon ma sude halak na ro mangalo Ia, jana ayakonNia ma musuNia tu bagasan hagolapan.

ZAKARIA 14:1

Dapot ne ma ari paruhuman ni Tuhan. Rampason ma Jerusalem jana dibagi-bagi ma di jolo ni matamu na dapotna i.

JESAYA 34:8

Disi ma hatihana paluaon ni Tuhan ma Sion jana palalu hosom ma Ia tu angka musuNia.

JESAYA 63:4

Madung Hutontuhon ari pamaloson; on ma hatihana halahi paluaon.

JESAYA 66:17

Didok Tuhan, “Madung donok hatiha panguhumna di halak na paiaskon dirina dohot na mudur-udur tu kobun ni angka debata laho marsomba. Madung singkop uhumanKu di angka halak na giot mangan juhut babi, monci dohot sipanganon na asing i na mambaen magigi.

JEHESKIEL 30:3

Madung donok ari ni Tuhan, ari na golap, hatihana ma di angka bangso manjagit uhuman.

JOEL 2:1

Palu ma sarune di Sion jana marsurak ma di dolok ni Debata na badia i. Humitir ma sude pangisi ni luat angke dapot ne ma ari ni Tuhan, angke madung donok ari i.

ZEPANYA 1:15

Ari haririmas do ari i, ari hamaolon dohot hasusaan, ari hadadabu dohot hasegoan, ari hagolapan dohot haholomon, ari na rambon jana na manyorop.