JESAYA 11:5 - BIBEL JAMITA NA DENGGAN

⁵ Markite hasintongan dohot hatigoran do aturonNia bangsoNa.

JESAYA 11:5 Referans Kwoze

EPESUS 6:14

Tongtong ma hamu hobas! Pake hamu ma hasintongan songon bobatmunu, dohot hatigoran na songon baju bosimunu.

1 JOHANNES 1:9

Muda taoku dosanta, gabe na bonar jana na tigor do Ia, jadi sesaonNia ma dosanta jana dipaias Ia hita sian sasude hageduhan.

2 KORINTUS 6:7

di na manjamitahon jamita na sintong dohot kuaso ni Debata, markite-hite sinjata hatigoran i do hami mangaroro sanga martahan.

JESAYA 59:17

PakeonNia ma hatigoran songon baju bosi jana hamonangan songon kupia baja. Dipasada Ia rohaNia laho manyalosehon na masa i jana baloskononNia hajahatan na niae ni jolma.

JESAYA 25:1

Ale Tuhan, Ho do Debatangku, giot hupasangap jana hupuji do goarMu. Madung dipatupa Ho angka karejo na pahomang roha. Sian denggan ni rohaMu do i dibaen Ho sudena, na nijanjihonMu mamungka sian narobi.

HALUMBAAN 3:14

“Tu surusuruan ni parlagutan na di Laodikea songon on ma surat on! On ma barita sian si Amen, Saksi na setia jana na bonar i, mula ni sude na nitompa ni Debata.

HALUMBAAN 1:13

Di holang-kolang ni angka parlampuan i jongjong ma sada songon Anak Ni Jolma do idaon rupana. Mamake baju juba na ginjang do Ia lalu tu patNa i. Adong di andoraNa i sere dialitkon Ia.

1 PETRUS 4:1

Dibaen madung manaon parkancitan Kristus mangihutkon parsibuhon, hamu pe angkon laing papironmunu do rohamunu dohot parngoluan na songon i. Angke sanga ise na manaon mangihutkon pangkilalaan parsibuhon, nada ra be i mambaen dosa.

HOSEA 2:20

Hombar tu janjingKu, Hualap ho di Au. Okuonmu sandiri ma Au do Tuhanmu.

IBRANI 2:17

Jadi astuanna, angkon sarupa do Ia dohot halahi di sude pangalaho. Jadi dung songon i tarbaen Ia ma diriNia gabe Malim Godang ni halahi, na burju jana na maribo ni roha di na nioloanNia Debata laho manyesa angka dosa ni halahi.

MASMUR 93:1

Ale Tuhan, Ho do raja; na godang jana marsahala. Togu do parjongjong ni tano on nada tarbaen matolbak.

MASMUR 109:19

Padiar ma songon pakean burania i manutupi ia, jana mangalilit ia songon pangalilit ni bobat.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

JESAYA 32:1

Di sada hatiha, na giot ro, adong ma sada raja na adil mamarenta, jana angka pamimpin ni bangso i pe mandalankon hatigoran.

ZAKARIA 8:16

On ma angka parenta sidalankononmunu: Muda mandok hata, dok hamu ma na tutu tu donganmunu. Baen hamu ma haputusan na tigor na padumpangkon dame.

MASMUR 45:4

Maju ma da mardongan sahala manuju habonggalan marayakkon hajojongjong ni hatigoran dohot uhum. Gogo ni raja i ma da padumpangkon hamonangan na marbungaran.

MASMUR 89:9

Dirajai Ho do laut na sai gumaluncang dipademak Ho do panggasa-gasa ni galumbang.

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.