JESAYA 10:21 - BIBEL JAMITA NA DENGGAN

²¹ Bangso Israel na teba sisaotik i, mangulahi ma burju mangoloi Debata parmonang i.

JESAYA 10:21 Referans Kwoze

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

BAENON NI ANGKA RASUL 26:20

Tangkas do hupatorang sanga na tu ise pe anso marsipauba rohana be sian angka dosana jana marsipasahat dirina be ma tu Debata jana angkon tarida ma di ngolu ni halahi be paboa na dung muba rohana sian dosa ni halahi be. Di Damaskus ma parjolo hupatorang songon i, dung i baru di Jerusalem dohot di sude Luat Judea dohot di tonga-tonga ni angka bangso na asing.

HOSEA 14:1

Angkon uhumon do Samaria hara ni na mangalo tu Au. Marmatean ma rayatna i di bagasan parporangan; hona giling angka dakdanakna na baru sorang, jana angka dadaboru na denggan pamatangna hona bola butuhana i.”

HOSEA 7:16

Laing dipupu halahi do mangihutkon angka debata na soada gogona i. Nada tarpangasahon halahi tudos tu sior na hendur. Angka pamimpin ni halahi mangkatai maradu bulbul, jadi mate hona bunu do halahi, kejam pambaenna jana partataan ni angka halak Mesir.”

HOSEA 7:10

Tarida ma tangkas haginjangon ni roha ni Israel, jana gabe bukti ni hasalaan ni halahi ma i. Haru pe madung tarjadi sudena i, laing na so ra muse do halahi mulak tu Au, Tuhan Debata ni halahi.

HOSEA 6:1

“Beta ma mulak hita tu Tuhan. Ia do na mambaen marhancit hita, tapi laing Ia muse do na pamalumkon. Ia do na mambugangi hita, tapi laing Ia muse do na mambalut angka bugangta.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

JESAYA 19:22

Uhumon ni Tuhan ma bangso Mesir, tapi dung salpu i pamalumonNia do halahi. Mulak ma halahi tu Tuhan, jana tangihononNia ma tangiang ni halahi lalu mangalehen hamalumon.

JESAYA 9:13

Laing na so manyosal dope bangso Israel haru pe na dung hona uhum ni Tuhan Na Markuaso i; laing na so tunduk dope halahi tu angka parentaNia.

JESAYA 7:3

Didok Tuhan ma tu si Jesaya, “Oban ma anakmu si Sear Jasub jana dapotkon ma Raja Ahas. Dapotonmu ma ia di ujung ni bondar dalan ni aek na tu sumur parginjang i.

JESAYA 46:3

Ale pomparan ni si Jakob, tangihon ma Au, hamu sude na malua sian tonga-tonga ni bangsongKu. Mamungka sian bortian, Hutuhuk hamu; mamungka sorang, Huhunti hamu.

ESRA 1:4

Ampot adong sian bangsoNia di inganan habuangan on na mamorluhon bantuan anso tarbaensa mulak, angkon lehenon ni angka hombar bagasna do bantuan i. Angkon lehenon ni halahi do tusia perak dohot sere, balanjo di dalan maradu pahan-pahanan sibobanan songon i muse angka sihaulkonon baen tu Bagas Ni Tuhan di Jerusalem.”

JESAYA 37:31

Halak Juda na laing mangolu i sonang noma halahi songon suan-suanan na marurat bagas sajo tu tano jana na marbatu.

JESAYA 59:20

Didok Tuhan ma tu bangsoNia, “Ro noma Au tu Sion laho mangondihon dohot paluahon hamu sude na paubahon roha sian angka dosamunu.

JEREMIA 50:20

Anggo di hatiha i, ias noma Israel dohot Juda sian dosa, angke na giot ampunanKu noma angka halak na dung Hupalua i. Au Tuhan, madung mandok songon i.”