JESAYA 1:25 - BIBEL JAMITA NA DENGGAN

²⁵ PalaluonKu noma tu hamu tindakan. Songon halak na papitahon simbora, papitaonKu noma hamu; sude na hodar, buatonKu ma sian hamu.

JESAYA 1:25 Referans Kwoze

MALEAKI 3:3

Jadi juguk ma Ia songon sada halak panopa perak; jana paiasonNia ma halak Levi songon na paiaskon sere dohot perak, anso gabe sioban haul halahi tu Tuhan di bagasan hasintongan.

JEREMIA 9:7

Jadi patunda ni i didok Tuhan Na Markuaso i ma, “UjionKu ma bangsongKi anso gabe pita halahi. Angke aha dope na bolas baenonKu maradopkon bangsongKu?

JESAYA 4:4

Markite-hite kuasoNia sandiri, adilan ni Tuhan ma bangsoNia i jana papolinonna. BasuonNia ma Jerusalem sian hasalaanna dohot sian mudar ni halak na so marsala na hona bunu di kota i.

JESAYA 1:22

Na songon perak humani do ho ale Jerusalem, hape saonnari madung gabe jatjat. Songon anggur humani do ho, hape saonnari madung songon aek sajo noma.

ZEPANYA 3:11

Anggo di hatiha i, ale bangsongKu nada pola porlu be ila rohamunu hara ni na dung mangalo tu Au. UsironKu ma sanga ise halak siginjang roha dohot na gakgak, jana nada be sai mangalo hamu tu Au di dolokKu na badia i.

JEHESKIEL 22:22

Songon perak na nidakdak di parapian, laing songon i ma halahi lalaon di Jerusalem. Jadi gabe botoon ni halahi ma Au do Tuhan na dung palaluhon rimasKu tu halahi.”

JEHESKIEL 20:38

PaorotonKu ma sian tonga-tongamunu angka halak pangalo dohot parjahat. ObanonKu halahi haruar sian inganan ni halahi saonnari jana nada paloasonKu mulak tu tano Israel. Jadi gabe botoonmunu ma bahaso Au do Tuhan.”

JEREMIA 6:29

Madung nian sun milas ni pandakdak, hape laing so ra do malala jana mago logam na so marguna. Nada adong gunana sai torus diuji bangsongKi laho papitahon angke nada dipasiding angka halakna na jahat i.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.

MATEUS 3:12

DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”

JEHESKIEL 22:20

Songon palagut perak, tumbaga, bosi, simbora na lomlom dohot na bontar, na dipamasuk tu pandusdusan, laho papitahonsa. Songon i noma muse hamurukonKu, mangalala hamu.

PANGARATAION 32:43

Pasangap ma bangso ni Tuhan i, hamu ale angka bangso, sude na mamunu halahi uhumonNa do. PalaluonNa hosom tu musuna tapi ampunanNia do anggo dosa ni bangsoNa.”

MASMUR 119:119

Sude halak na jahat di tano on songon tasik ni bosi, hara ni i huhaholongi do sude paraturanMi.

JESAYA 27:9

Tapi anggo dosa ni Israel hum sada do dalanna anso tarsesa i, i ma muda digiling lamot songon soda angka langgatan parsombaan tu angka debata. Sandok panutungan ni hamonyan dohot tiang gana-ganaan Debata Asera angkon nisarsarkon muse.

JEHESKIEL 22:19

Hara ni i songon on do hata ni Tuhan Debata, “Hara ni na sandok hamunu madung gabe songon tasik palagutonKu ma hamunu tu Jerusalem.