JEREMIA 9:22 - BIBEL JAMITA NA DENGGAN

²² Marampar angka bangke niida songon rompak di tano parragena; songon bona ni gandum na tading jana na so dipalagut be. I ma tona ni Tuhan na angkon baritahononku.”

JEREMIA 9:22 Referans Kwoze

JEREMIA 8:2

nada laho palaguton sanga tanomon mangulahi tapi padiaron do rerak di tano i songon rompak. Marserak ma angka holi-holi ni jolma i di las ni ari, di torang ni bulan dohot angka bintang na nihaholongan ni halahi, na nioloanna, na nisomba dohot pangidoan ni panogu-noguon ni halahi.

JEREMIA 25:33

Anggo di ari i marpayahan ma angka bangke ni jolma na nimatehon ni Tuhan di sude sisik ni tano on. Nada nitangisan halahi, nada dioban muse laho mananomsa, tapi dipadiar do i di tano i sajo songon parpunguan ni rompak.

ZEPANYA 1:17

Didok Tuhan ma, “ParoonKu ma bahat parmaraan tu jolma manusia lopus gapa-gapa halahi songon halak na so marnida. Mardosai do halahi tu Au, jana saonnari durus noma mudar ni halahi songon aek, jana marbusuhan ma angka bangke ni halahi di tano i.”

JEREMIA 16:4

Marmatean do halahi hona nyae na mambaen mate, jana marmatean ma halahi di parporangan sanga mate tangkuraparon. Sahalak pe nada adong na manangisi halahi sanga na manguburkonsa. Marampar do bangke ni halahi songon rompak-rompak di tano i, jana dipapangani unggas ma i dohot angka binatang.

JESAYA 5:25

Muruk Tuhan tu bangsoNia i. Madung rade Ia laho manguhumi halahi. Humutur ma angka dolok; marragean ma angka bangke songon rompak di angka dalan. Hape laing muruk dope Tuhan jana laing na giot manguhumi.

MASMUR 83:10

na niabiskon di Endor, jana bangkena i gabe napu ni tano.

JEREMIA 7:33

Angka bangke i ma panganon ni unggas dohot binatang panyoro jana nada adong manyosaksa.

2 RAJA-RAJA 9:37

Marserak ma angka teba-teba ni bangkena i songon kotoran ni pahan-pahanan, umpe sahalak be manandasa.”

JEREMIA 6:21

BaenonKu ma dalanna anso tartuktuk angka jolma on lalu tinggang. Ama dohot dakdanakna, dongan maradu hombar bagasna marmara noma.”

PANGARATAION 8:17

Jadi, ulang diambang hamu hara ni pambaenan dohot gogomunu sandiri hamu gabe mamora.

2 RAJA-RAJA 20:13

Disambut si Hiskia ma angka suruan i jana dipatidahon ia ma sandok sinadongannia, i ma sere dohot perak, angka parmasak dohot miak na huskus dohot sude panjamaan ni tentarania singkop. Nada adong umpe saragam be di bagas godang dohot di sude harajaannia na nitabunihonnia tu halahi.

2 RAJA-RAJA 20:15

“Aha na niligi ni halahi di bagas godang?” ning si Jesaya mangulahi manyapai. “Sudena diligi halahi!” ning si Hiskia. “Nada adong be sanga na aha di bagasan panyimpanan ni arta di bagas godang ni raja na so hupatidahon tu halahi.”

MASMUR 49:7

Nada adong sahalak pe na tarbaen manobus hosana, sanga manggarar partobusna tu Debata.

PODA 18:11

Hape diambang halak na kayo sinadonganna i do mangondihon ia. Songon tembok na gincat boti togu humaliang kota.

PODA 23:4

Ulang nihalojahon laho makayo, tinggalkon ma hagiotmi.

HABAKUK 1:11

Dung i songon hipas ni alogo markehean ma angka jolma i na mardebatahon hagogoonna sandiri.”