JEREMIA 9:11 - BIBEL JAMITA NA DENGGAN

¹¹ Didok Tuhan, “Gabe lobu baenonKu Jerusalem inganan partabunian ni sorigala. Mamolngit ma angka kota ni Juda, inganan na so adong be pangisina.”

JEREMIA 9:11 Referans Kwoze

JESAYA 25:2

Angka kota dibaen Ho gabe lobu, angka bentengna i sarge manghagopu. Bagas Godang na nipajongjong ni musu madung soada nada patureon be i salolot-lolotna.

JEREMIA 51:37

Timbunan ni na marsegoan noma luat i, inganan partabunian ni anjing riar. Jorbut hilalaon ni halak marnidasa jana sahalak pe nada adong na ra maringanan disi.

JEREMIA 10:22

Tangihon hamu ma! Adong barita na paboahon sada bangso di Utara na mambaen hagaoran. Gabe mamolngit jana gabe lobu ma angka kota ni Juda baenon ni tentarana. Martabuni disi ma angka sorigala.”

JESAYA 34:13

Angka bagas godang bope angka hutana na martembok, gabe hatubuan ni ramba na marsuga noma i jana diingani anjing harangan dohot sipauk.

JESAYA 13:22

Marauang angka anjing harangan dohot sorigala sian palas-palas ni bagas siomagodangna dohot sian bagas ni Babel. Dapot ne ma hatihana, jana umurna nada dipaginjang.”

MIKA 3:12

Hara ni hajahatanmi, pangkuran noma Sion songon ladang. Jerusalem gabe timbunan ni angka batu, jana dolok ni Bagas Na Badia gabe gasgas.

ANDUNG 3:47

didondoni parmaraan dohot hasegoan do hami, jana mangolu di bagasan bahaya dohot biar do hami.

ANDUNG 2:2

Ganop kota na adong di Juda, dironcohon Ia nada adong ibo ni roha. Angka benteng na mangondingi luat i dionjarkon Ia lopus marumpahi. Didabuhon Ia lopus marbile noma harajaan i dohot angka pamimpinna.

JEREMIA 34:22

ParentahononKu ma anso mulak halahi tu kota on, jadi serangon ni halahi ma, masuhanna lalu surbuonna. Giot baenonKu angka kota ni Juda songon halongonan na so diingani ni jolma. Au Tuhan, madung mandok songon i.”

JEREMIA 26:18

“Taran si Hiskia raja di Juda dipalalu Panurirang Mika na sian Moreset do hata on sian Tuhan Na Markuaso i, ‘Ombahon ma Sion songon ladang, Jerusalem gabe timbunan ni na marsegoan jana Dolok Ni Bagas Ni Debata gabe harangan.’

JEREMIA 25:11

PadiaronKu do sude luat on sego jana gabe lobu; mangoloi tu raja Babel ma angka bangso na humaliang pitu pulu taon honokna.

MASMUR 79:1

Bangso na so mananda Ho, ale Debata, madung mambuat tano teananMu. Dipahodar halahi BagasMu, gabe maronco-ronco dibaen Jerusalem.

MIKA 6:16

Tarjadi pe sudena i patunda ni na niihutkonmunu ma angka parbuatan jahat na nibaen ni Raja Omri dohot Raja Ahab, anakna i. Diihutkon hamu do antong angka pangalaho ni halahi. Hara ni i roncohononKu ma hamu, jana siincahan dohot silayason ni sandok bangso ma hamu.”

MIKA 1:6

I do umbaen na nidok ni Tuhan: “BaenonKu ma Samaria gabe timbunan ni batu di tonga padang dohot panyuanan ni bona ni anggur baenon ni halak. AmbungkononKu tapor-tapor ni kota i tu bagasan holbung jana bungkaronKu angka jongjonganna i.

JEREMIA 26:9

Papuluk-pulukkon ho mandok mangasahon Tuhan na giot songon Silo BagasNa on, dohot kota on roncohonon jana gabe lobu,” ning halahi. Dung i dirongomi halak na bahat i ma au.

JEREMIA 25:18

Jerusalem dohot sude kota na di Juda, rap dohot raja-raja maradu angka pamimpinna, hupaksa inumonna anggur i, lopus gabe songon padang na harsang halahi jana songon parbeguan. Lalu tu sadari on dipake do goar ni halahi songon hata bura.

JESAYA 44:26

Tapi Hupalalu do tahi ni angka naposongKu, songon i nang angka tahi ni suruanKu. Hupaboa do inganan ni pangisimu mangulahi Jerusalem jana pajegeson ma mangulahi angka kota luat ni Juda. Jongjong ma mangulahi angka kota na dung sego i.

NEHEMIA 4:2

Didok ia ma di jolo ni angka dongannia dohot tentara ni Samaria, “Aha do na dikarejohon ni halak Jahudi na gale i? Na giot bangunon ni halahi ma lakna mangulahi kota on? Diambang halahi do lakna tarpasidung di bagasan sadari karejo i, hara ni na manghaulkon haul sajo? Tarbaen halahi ma he lakna timbunan ni rompak-rompak i gabe batu tembok?”

HALUMBAAN 18:2

Marsora na gogo ma ia marsurak, “Madung madabu dadaboru i! Madung madabu Babel Na Godang i! Gabe inganan ni tondi na jahat dohot partabunian ni angka tondi na hodar noma i saonnari. Angka unggas na hodar jana na nihagigihon ni halak noma na mangolu di bagasan.

HAMALIMON 26:32

Maronco ma luatmu sude, pola tarsonggot angka musumu na marnida i hara ni bahat ni na maronco i.

MASMUR 44:19

Hape ditadingkon Ho do hami di bagasan hagolapan, na so margeldok di tonga-tonga ni binatang harangan.

JEREMIA 1:15

Angke satutuna pioonKu ma sude angka bangso na di Utara anso ro halahi, ninna Tuhan, marroan ma halahi jana marsipajongjong tuku harajaanna be, di harbangan ni Jerusalem, halianganna ma tembok na i jana donok tu angka kota ni Juda.

JEREMIA 4:27

Pandok ni Tuhan angkon gabe padang halongonan do sude luat on, tapi nada segohononNia.)

JEREMIA 44:2

On ma tona ni Tuhan Na Markuaso i, Debata ni Israel tu halahi, “Madung diida hamu sandiri mara na Hutimpalkon tu Jerusalem dohot sandok kota na adong di Juda. Lopus saonnari laing tinggal sego-segona do angka kota i jana lobu.

JEREMIA 49:33

BuangonKu noma Hasor salolot-lolotna, jana gabe inganan partabunian ni anjing riar. Sahalak pe nada adong be maringanan disi. Au Tuhan, madung mandok songon i.”

JEREMIA 50:3

Na giot ro ma sada bangso sian Utara mamorangi Babel jana mambaen luat i gabe padang na harsang. Marlojongi ma jolma dohot pahan-pahanan jana nada adong be na ra maringanan disi.”

ANDUNG 1:4

Muda hatiha ari pesta nada adong be na ro tu Bagas Ni Debata. Marhancit disi angka nauli bulung parende, dohot malim pe humolos be. Nada adong halak di angka pintu ni horbangan. Kota Sion sude digohi hamarsahan.

PANGARATAION 29:23

Gabe padang na gariang ma angka ladangmunu ditutupi barerang dohot sira. Nada tarsuani be tanona i, jana duhut pe nada ra be tubu disi. Tudos noma tanomunu i tu kota Sodom dohot Gomora, Adma dohot Zeboim na nironcohon ni Tuhan di na gurgur rimasNia.

MASMUR 107:43

Dipikiri halak na marroha ma sudena i jana dihaporsayai halahi ma holong ni roha na manongtong sian Tuhan i.

JEREMIA 8:22

Hara ni aha do ulaning bangsongku lopus saonnari matua laing so marnamalum? Adong he di sude Gilead na so adong be pangubati dohot ubat?

JEREMIA 16:10

Muda dipabolkas ho sudena on tu halahi, sapa-sapa ma halahi sanga hara ni aha umbaen na ra Au manguhumi halahi songon i boratna. Sapa-sapa ma halahi sanga aha hasalaan dohot dosa ni halahi maradopkon Au Tuhan Debata ni halahi.