JEREMIA 8:7 - BIBEL JAMITA NA DENGGAN

⁷ Unggas sibarung pe diboto do hatihana mulak; hatutu, layang-layang dohot pincala pe diboto do hatihana pinda inganan. Hape anggo hamu, bangsongKu, nada diboto hamu angka tona na Hulehen di hamu.

JEREMIA 8:7 Referans Kwoze

JESAYA 1:3

Ditanda lombu do nampunasa, jana ditanda halode do palangka na nibaen ni tuanna. Hape anggo bangsongKu Israel umpe diboto bagi aha. Tutu situtu ma na so umboto sanga aha halahi.”

JESAYA 5:12

Di angka pestamunu habegean do sora ni hasapi, gambus, rapano dohot suling dohot na minum anggur. Hape nada diterge hamu anggo hagiot ni Tuhan dohot sanga aha na nibaenNa tu hamu.

ENDE NA GODANG 2:12

Ma pola kombang angka bunga di ladang; on ma hatihana marsiende-endean. Tarbege do sora ni hatutu di tanonta.

JESAYA 27:11

Muda adong angka rantingna i na mahiang jana masopak, ro ma angka dadaboru mambuatisa baen soban. Nada diastui bangso i sanga na aha, jadi gabe nada haholongan ni Panompa i be halahi sanga asianNa.

ZAKARIA 5:9

Manaili ma au tu ginjang jana huida ma dua dadaboru na habang adop au. Tohong do habong ni halahi songon habong ni sibarung. Dibuat halahi ma karanjang sinangkin lalu dihabangkon halahi.

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

JEREMIA 5:6

I ma dalanna gabe soroon ni singa na sian harangan halahi, jana diparsuragehon ni sorigala na sian padang halongonan. Humadeap ma angka angguliman manjalahi soroanna di bagasan angka kota ni halahi, jana sanga ise na ruar sian bagasna soroanna noma i. Patunda ni na dung bahat do halahi mardosa umbaen na tarjadi sudena i, jana marpupu halahi manghudukkon Debata.

HABAKUK 1:4

I do umbaen nada margogo be uhum jana hatigoran nada unjung dihajongjongkon. Sumurung ma halak na jahat maradopkon halak na burju, jadi gabe diputar-balikkon ma hatigoran.