JEREMIA 8:17 - BIBEL JAMITA NA DENGGAN

¹⁷ “Parrohahon!” ninna Tuhan. “Saonnari Hutongos angka ulok tu tonga-tongamunu laho manurbingi hamu, ulok na marbisa na so hatabasan.”

JEREMIA 8:17 Referans Kwoze

PARJAMITA 10:11

Muda manurbing ulok painte so dipajinak dohot jampi, gabe nada marguna be pawang ni ulok disi.

PANGARATAION 32:24

Marmatean ma halahi baenon ni arun dohot na malean disintak hamatean hara ni nyae sihabiaran. Marroan binatang panyoro manjomahi ulok na marbisa mambaen mangangguhi halahi.

BILANGAN 21:6

Dung i diparo Tuhan ma angka ulok na bisa tu tonga-tonga ni halahi. Bahat halak Israel mate dipagut ulok i.

HALUMBAAN 9:19

Di pamangan ni angka kudo i do hagogoan ni halahi dohot di lailaina i. Songon ulok do angka lailaina i, adong do ulu ni halahi jana marhite ulu i ma diparkanciti halahi angka jolma i.

AMOS 9:3

Muda martabuni halahi di puncu ni Dolok Karmel, jalahanKu jana tangkuponKu halahi. Muda martabuni halahi tu toru ni laut adu i, parentahononKu do naga laut laho manurbing halahi.

AMOS 5:19

Tudos tu halak na marlojong sian singa do pangalahona, hape marsuo dohot gompul. Sanga songon halak na mulak tu bagasna, jana ditungkolkon tanganna tu tembok lalu diturbing ulok!

JESAYA 14:29

O ale bangso Pilistin, madung maponggol potuk-potuk na nipake laho mamukul ho. Tapi ulang pola marjop ni roha ho, angke muda mate pe sada ulok, laing ro do ulok na jumahat manggontisa, jana manotas ma pira ni ulok jana ruar ma naga na marhabong.

MASMUR 58:6

Ale Debata, ropangkon ma ipon na di pamangan ni halahi, umpatkon ma sait ni angka singa jara-jara i, Tuhan.