JEREMIA 7:27 - BIBEL JAMITA NA DENGGAN

²⁷ Dung i didok Tuhan ma tu si Jeremia, “Hara ni i ale Jeremia, haru pe dipaboa ho sudena i tu bangsongKu, nada na ra halahi mamparrohahon angka hata na nidokmi. Haru pe halahi dipiohon nada ra halahi mangalusi i.

JEREMIA 7:27 Referans Kwoze

ZAKARIA 7:13

Nada Hualusi tangiang ni halahi, harana halahi pe antong nada ditangihon halahi taran mangkuling Au ninna Tuhan Na Markuaso.

JEREMIA 26:2

manigor didok Tuhan ma tu au, “Kehe ma ho jongjong di alaman ni BagasKu jana palalu ma tu halak Juda na ro marsomba tusi, sandok na Huparentahon tu ho sipalaluonmu tu halahi. Saotik pe ulang urahi.

JEREMIA 1:7

Tapi dialusi Tuhan ma, “Ulang dokkon maposotu dope Au. Muda Husuru ho tu sada bangso, angkon kehe ho jana sandok na Husuru dokkononmu angkon palaluonmu do i tu halahi.

JESAYA 65:12

Mate hona bunu do hamu, angke di na Hupio, nada mangalusi hamu, jana dompak manghatai Au nada ditangihon hamu. Tumabo do dihilala hamu mangalo tu Au dohot mambaen na jahat.

JESAYA 50:2

Biasi nada adong na ro umpe sahalak sian bangsongKi, di na ro Au marpio halahi? Adong he na so sanggup Au dietong roha ni halahi paluahonsa umbaen na sip sajo halahi? Nada he sumurut aek ni laut hara ni parentangKu, Hupauba batang aek gabe padang manyahatang, gabe mate ihan sudena?

BAENON NI ANGKA RASUL 20:27

Nada unjung hutabunihon diringku maradopkon angka karejongku laho patorangkon tu hamu sude sangkap ni Debata.

JEREMIA 1:19

Porangon ni halahi ma ho, tapi nada tartaluhonsa, angke dongananKu do ho laho mangondihon ho, songon i ma hata ni Tuhan.”