JEREMIA 6:29 - BIBEL JAMITA NA DENGGAN

²⁹ Madung nian sun milas ni pandakdak, hape laing so ra do malala jana mago logam na so marguna. Nada adong gunana sai torus diuji bangsongKi laho papitahon angke nada dipasiding angka halakna na jahat i.

JEREMIA 6:29 Referans Kwoze

1 PETRUS 4:12

Angka dongan na hihaholongan! Hancit do ditaon hamu saonnari hara ni na hona uji. Tapi ulang pola homang rohamunu, muda adong masa tu hamu sada pangalaho na luar biasa.

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

HOSEA 11:7

dohot hara ni jogal ni rohana laho manadingkon Au. Jadi gabe tarpisat ma halahi, tapi nada adong na paluahon haru pe marsurak halahi mangido tolong.”

JEHESKIEL 24:13

Ale Jerusalem, angka pambaenanmu na so ture i, i do mambaen hodar ho. Madung Hucubo nian paias ho, hape nada adong gunana, angke torus do ho hodar. Nada be ra ho ias mangulahi lopus Hupalalu rimasKu tu ho.

JEREMIA 9:7

Jadi patunda ni i didok Tuhan Na Markuaso i ma, “UjionKu ma bangsongKi anso gabe pita halahi. Angke aha dope na bolas baenonKu maradopkon bangsongKu?

JESAYA 49:4

Ningku ma, “Magopo do halolojangku, parcuma do hupuntial gogongku!” Tapi haru songon i pe, pos do rohangku ampinan ni Tuhan do au, balosonNia do di au marguru tu pambaenanku.

PODA 17:3

Sere dohot perak diuji di bagasan api, tapi anggo roha ni jolma Tuhan do manguji.

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.

HAKIM-HAKIM 17:4

Tapi laing dipaulak ia do hepeng perak i tu inangnia. Dibuat inangnia i ma dua ratus hepeng perak i jana dilehen ma i tu tukang perak, giot mambaen sada gana-ganaan sian hayu jana dilampis dohot perak. Jadi dipayakkon si Mika ma patung i di bagasnia.

JEREMIA 15:19

Dialusi Tuhan ma, “Muda mulak ho, jagitonKu do ho mangulahi. Jana gabe naposongKu ho muse. Muda dibaritahon ho angka pangalaho na marguna jana nada hum hata-hata sajo, jadi gabe naposongKu ma ho mangulahi. Marroan ma angka jolma tu ho mangulahi.

JEHESKIEL 24:12

Parcuma do halojaonKu, angke harat na hapal i nada ra mago haru pe madung ditutung tu api.