JEREMIA 51:43 - BIBEL JAMITA NA DENGGAN

⁴³ Gabe inganan na jorbut noma angka kotana, tudos tu padang halongonan na harsang. Nada adong halak na ra maringanan sanga mamolus disi.

JEREMIA 51:43 Referans Kwoze

JEREMIA 2:6

Nada diantoi halahi Au; Au do nian na dung manogu halahi di dalan, jana na maroban halahi ruar sian Mesir, manyalpui parhorsihan; tano gariang na margaba-gobi, boti na harsang gok parmaraan padang na so diingani jana nada adong mamolus sian i!

JESAYA 13:20

Nada adong umpe sahalak be na tading disi. Nada adong halak Arab parbungkas-bungkas i na giot pajongjong undung-undungna di inganan i, jana nada adong parmahan na giot maroban hambeng biri-biri na niparmahanna manjampal tusi.

JEREMIA 51:29

Humutur jana manggulsak ma tano hara ni na Hudalankon sangkapKu laho mambaen Babel gabe inganan na harsang na so diingani jolma.

JEREMIA 51:37

Timbunan ni na marsegoan noma luat i, inganan partabunian ni anjing riar. Jorbut hilalaon ni halak marnidasa jana sahalak pe nada adong na ra maringanan disi.

JEREMIA 50:12

Hape kotamu sandiri na godang i angkon palayason jana pailaon. Gabe padang na harsang noma Babel, mahiang jana gabe na ummurar sian tonga-tonga ni sandok harajaan.

MASMUR 46:8

Tole bo, ligi ma na nikarejohon ni Tuhan; hahomangan ma da karejo ni tanganNia di tano on!

JESAYA 47:11

Tondongon ni parmaraan ma ho, nada margogo ajimetmi pasidingkonsa. Ro ma parmaraan tu ho, nada bisa so simbilkononmu i marhite manyombahon haul. Ompot ma ro hamamate tu ho, songon na so diambang rohamu.

JEREMIA 51:62

Dung salpu i martangiang ma ho songon on, ‘Tuhan, madung didokkon Ho, anggo inganan on na giot sarsarkononMu do lopus mago sude jolma bope pahan-pahanan, jana gabe songon padang halongonan inganan on sapanjangna.’

JESAYA 34:13

Angka bagas godang bope angka hutana na martembok, gabe hatubuan ni ramba na marsuga noma i jana diingani anjing harangan dohot sipauk.

JEREMIA 18:16

Madung dibaen halahi luat on gabe inganan na jorbut jana gabe sihata-hataan sapanjangna. Sandok halak na mamolus marsiupirkon uluna be hara ni jorbut ni pangkilalaanna.