JEREMIA 51:16 - BIBEL JAMITA NA DENGGAN

¹⁶ Hum parenta do dilehen Ia, mardorom ma aek di awang-awang sian ujung ni tano on marroan angka ombun dibaen Ia. Dibaen Ia mamincar porkas di bagasan udan, ditongos Ia alogo sian panyimpananna.

JEREMIA 51:16 Referans Kwoze

MASMUR 135:7

Sian ujung ni portibi diparo Ia ombun dibaen Ia hilap mardongan udan. Dung i diparentahon Ia tu haba-haba anso ruar be sian panyimpananna.

JUNUS 1:4

Tapi diparo Tuhan ma alogo na gogo tu laut i, gabe masa ma ombak na jorbut situtu na manondong kapal i, saotik nari noma anso maropuk.

MASMUR 18:13

Dung i mangaronggur ma sora ni Tuhan sian ingananNa, Na Di Banua Ginjang i patubegehon soraNa.

JUNUS 4:8

Dung bincar mataniari, diparo Debata ma alogo na milas na mangombus sian Habincaran. Giot tarkatos ma si Junus hara ni pandoit ni mataniari i songon dia na manutung ulunia. Gabe mandele ma ia jana por rohania sugari mate. Ning ia ma, “Gumonan noma da iba mate ulang pado mangolu!”

AMOS 9:7

Didok Tuhan ma, “Ale halak Israel, Huparrohahon do halak Etiopia laing songon Huparrohahon hamu. Huoban do halak Pilistin sian Kreta dohot halak Siria sian Kir laing songon parobanKu di hamu sian Mesir.

JEHESKIEL 10:5

Tarbege ma pamakpak ni habong ni angka kerub i lopus tu alaman parduru i songon sora ni Debata Na Markuaso i.

MASMUR 147:18

Jadi diparentahon Ia ma, gabe aek ma es i, diombuskon Ia haba-haba, gabe mardalan ma aek.

MASMUR 104:7

Di na nigorahonMu, marlojong aek i; umbege parentaMu, kehe ia mangompoti.

MASMUR 78:26

Disuru Ia mangombus alogo Habincaran, hara ni kuasoNia gabe mangombus do alogo Selatan.

MASMUR 68:33

diSia na mamolus awang-awang, angkasa na adong sian narobian. Tangihon bo! Gogo do Tuhan mandok hata, matuoror maradu gogo, soraNia.

MASMUR 46:6

Mangaronggur Debata, gabe malantuk ma portibi on, gaor ma angka bangso, mardabuan ma angka harajaon.

JOB 40:9

Gogo ma he ho songon Au? Tarbaen ma he mangaronggur soramu songon sorangKu?

JOB 38:22

Jungada dehe mangaligi inganan panyimpanan ni artangKu inganan ni ambolas dohot salju,

JOB 37:13

Dilehen Debata do udan mambornohi tano i; sanga pe laho manguhum jolma i, bolas muse do i laho patidahonsa tu halahi, sanga songon dia hahohot ni holong ni rohaNia na so mantak i.

HARURUAR 14:21

Dung i dipahortang si Musa ma tangannia tu ginjang ni laut i, jana diparo Tuhan ma haba-haba na gogo situtu na mangombus sian Habincaran pola sumurut aek i. Manyipat saborngin i sai mangombus haba-haba na gogo i mambaen laut i marbola dua jana maruba gabe tano na mahiang.

HARURUAR 10:19

Dipahusor Tuhan ma pangombus ni haba-haba, gabe ro sian Hasundutan gogo sajo. Dung i dihabangkon haba-haba i ma siapor i lalu tu Laut Rara. Umpe sada siapor i na tading di sude tano Mesir.

HARURUAR 10:13

Jadi diangkat si Musa ma tungkotnia jana diparo Tuhan ma haba-haba sian Habincaran mangombus tu luat i arian dohot borngin. Marayak manyogot dope marroan ma angka siapor i.

PAMUNGKAAN 8:1

Nada dihalupahon Debata si Noak rap dohot sude binatang na adong di bagasan kapal i; mangombus ma alogo dibaen Debata gabe mamungka ma surut aek i.