JEREMIA 51:13 - BIBEL JAMITA NA DENGGAN

¹³ Na kayo do luat i jana bahat batang aekna, tapi madung abis hatiha ni ngoluna; madung dapot ujung ni ngoluna.

JEREMIA 51:13 Referans Kwoze

HALUMBAAN 17:1

Dung i ro ma sada sian surusuruan na pitu i na maniop sambong na pitu i, mangkobari dohot au ninna ma, “Beta, anso hupatidahon tu ho sanga na bia baenon manguhumi panggampang godang i, na juguk di ginjang ni aek na bahat.

HALUMBAAN 17:15

Dung i didok ia ma tu au, “Sude aek i, na niidamu juguhan ni panggampang i, i ma angka bangso dohot halak na bahat, angka marga dohot bahasa.

JESAYA 45:3

Gabe lehenonKu ma di ho arta pusako, harta sinadongan na buni, anso diboto ho Au Tuhan Debata ni Israel, na dung marpio ho marhite goarmu.

JEREMIA 51:36

Hara ni i didokkon Tuhan ma tu halak Jerusalem, “ParjuangkononKu do parkaromu jana uhumanKu angka musumu hara ni pambaenan ni halahi tu hamu. PahiangonKu ma angka mual ni aek dohot angka batang aek ni Babel.

PAMUNGKAAN 6:13

Jadi didok Debata ma tu si Noak, “Madung putus di rohangKu, paujungonKu ma sude ngolu ni jolma. MatehononKu noma halahi, angke madung gok na satano on hajahaton ni halahi.

HALUMBAAN 18:19

Dung i disampakkon halahi ma abuan tu ulu ni halahi di na pio-pio, tangis jana mangandungi halahi, ninna halahi ma, “Marjaya, marjaya ma kota na godang i, angke markite-hite sinadongannia gabe mamora sude angka nampuna kapal di laut! Di bagasan sajom do ia abis!”

2 PETRUS 2:3

Hara ni na ahut tu dirina, caritohonon ni angka guru pargabus i ma tu hamu angka carito na nibaen ni halahi sandiri anso dapotan untung halahi sian hamu. Tapi anggo panguhuman laho manguhum halahi madung tibu dipasingkop jana hamagoan na dung ditontuhon pe tu halahi madung paintehon tu halahi.

1 PETRUS 4:7

Na giot dapot ne ma ujung ni sasudena. Hara ni i, rajai hamu ma dirimunu jana torang ma rohamunu anso tarbaen hamu martangiang.

AMOS 8:2

Disapai Tuhan ma, “Aha do diida ho Amos?” Jadi hualusi ma, “Sada karanjang na marisi parbatu do.” Didok Tuhan ma, “Madung dapot hatihana marujung ngolu ni Israel. Nada ubaonKu be sangkapKu laho manguhum halahi.

DANIEL 5:26

Jana on ma astuanna: Mene; astuanna madung dietong Debata sanga sadia honokna mamarenta raja i jana madung dipaujung Ia.

ANDUNG 4:18

Nada tarbaen hami ruar tu alaman, hara ni panjago ni alo na rongkingan. Dapot ma da ajalnami, madung marujung ari-arinami.

JEREMIA 50:37

Kudo dohot karetana angkon diropuhi, angke tentara na niongkosan nada be margogo. Diabiskon ma sude hakayoan ni Babel, sinadonganna i dirampas.

JEREMIA 50:31

Babel, maginjangtu do rohamu! Hara ni i, Au Tuhan Debata Na Markuaso, mangalo ho. Madung hatihana uhumanKu ho.

JEREMIA 50:27

Bunu hamu sude tentarana i! Matehon sudena i! Marjaya ma Babel! Madung dapot hatihana hona tona uhum!” (

JEREMIA 17:11

Tudos tu unggas na mamodomi na so pirana; songon i ma halak na geduk maruli arta. Di na satonga umur tobangna agoan ma ia sude artania. Di ujung ni ngoluna tanda ma na santak do, otonia.

JESAYA 43:14

On ma na nidok ni Tuhan napalua hamu, Debata Na Badia ni Israel, “Hara ni hamu, Hualo Babel marhite na manongos tentara, Huonjarkon angka palang ni pintu ni hurunganna, jana sora siriaonna Hupauba gabe partangisonna.

JESAYA 57:17

Hara ni hasalaan na mangahut tu dirinia sandiri do umbaen na muruk Au, Hu ajar do ia, Hutabunihon bohingKu dohot murukKu, tapi marbalik do ia mamolus dalan na nipili ni rohana.

MASMUR 137:1

Di topi ni angka batang aek di Babel, disi do hita juguk huhut tangis muda hita ingot Sion.