JEREMIA 51:1 - BIBEL JAMITA NA DENGGAN

¹ Didok Tuhan, “TongosonKu ma alogo panyego-nyego na mangombus adop Babel dohot adop halak na maringanan disi.

JEREMIA 51:1 Referans Kwoze

AMOS 3:6

Nada he humitir halak muda tarbege sora ni sarune tanda ni gore ni porang? Hona parmaraan dehe sada kota, anggo so Tuhan manongoskonsa?

HOSEA 13:15

Haru pe sonang Israel songon duhut na napu, laing suruonKu ma alogo Habincaran na milas i sian padang parhorsihan. Mahiang ma baenon ni alogo i sude mual ni aek dohot angka sumur bage, gabe mago ma sudena na mararga.

BAENON NI ANGKA RASUL 9:4

Gabe tungkap ma ia tu tano i jana dibege ia ma sada sora na mandok tusia, “Saulus, Saulus! Biasi diparkanciti ho Au?”

ZAKARIA 2:8

Harana songon on do hata ni Tuhan Na Markuaso, na dung marsuru au di bagasan hamuliaonNa, taringot tu angka bangso na dung manaban hamu na jolo. Angke sanga ise na manjama hamu, na manjama anak ni matana sandiri do ia disi.

JEHESKIEL 19:12

Hape diumpat tangan na muruk ia lalu disampakkon tu tano noma. Mangombus ma alogo Habincaran, mambaen malos batuna taran hajegesanna. Masopak dangkana i gabe mahiang lalu nitutungan.

JEREMIA 50:33

Didok Tuhan Na Markuaso i ma, “Rap marhancit do Israel dohot Juda. Sude na manaban halahi manjagoi halahi pir pambaenanna jana nada ra paluahon halahi.

JEREMIA 50:29

Didok Tuhan, “Suru hamu ma angka parpana manyerang Babel. Arahon hamu ma sandok halak na malo mamake pana. Hobuk hamu ma kota i jana sahalak pe ulang paloas hamu luncat. Baloskon sude pambaenanna i jana baen hamu ma tusi hombar tu pangalahona angke na dung salpu do pambaenna maradopkon Au, Na Sun Badia, Debata Ni Israel.

JEREMIA 50:24

Didok Tuhan, “Babel, dialo ho do Au, hara ni i gabe tarhapit ho di bagasan jorgong na Hutaon tu ho, hape nada diboto ho i.

JEREMIA 50:21

Didok Tuhan ma tu bangso na sian Utara i, “Serang hamu ma halak Merataim dohot Pekod. Bunu jana patimpas hamu ma halahi. Dalankon hamu ma na Huparentahon i.”

JEREMIA 50:9

Husosoi pe angka bangso na gogo-gogo na adong di Utara anso diporangi halahi Babel. Aturon ni halahi ma barisan laho martempur mangalo Babel lalu manaluhonsa. Angka parsior na malo-malo do halahi jana anak ni pana ni halahi nada unjung na so mangonai.

JEREMIA 49:36

OmbuskononKu ma alogo tu Elam sian sasudena, jana paserahonKu halakna i sun tu dia lopus sada harajaan pe nada adong be na so ditopot angka pangungsi na sian Elam i.

2 RAJA-RAJA 19:7

Patubegehonon ni Tuhan ma sada barita tu raja Asur na mambaen ia mulak tu luatnia sandiri jana mate hona bunu ma ia disi.”

MASMUR 137:8

Segohonon noma ho, ale Babel hara ni na sai mangasa gogo do giotmu. Martua ma sanga ise na mamalos tu ho hajahatan na nibaenmu tu hami.

JEREMIA 23:19

Ligima, alogo na gogo ni Tuhan, i ma haririmas ni muruk, na mangalapat jana na mijur tu ulu ni halak parjahat.

JESAYA 13:13

Humutur ma baenonKu langit i jana tano on humuntal sian ingananna di ari i, Au Tuhan Na Markuaso patuduhon kuasongKu.

JESAYA 14:14

Didok ho ma na giot manangkok ho tu puncu ni angka ombun jana gabe songon Tuhan Na Gumincat i.

JESAYA 21:1

Songon on ma alatan taringot tu Babel: Songon halingsungsung na mardonging na mamolus di parhorsihan, songon i ma haroro ni parmaraan sian luat sihabiaran.

JESAYA 47:1

“Mijur jana juguk ma ho di gincat ni orbuk, ale bujing-bujing, boru Babel! Juguk ma ho di gincat ni tano, jana nada be marhabangsa, ale boru Kasdim! Harana nada be dohonon ho na jogi jana na jeges.

JEREMIA 51:53

Haru pe tarbaen Babel mandangkit tu langit jana mambaen partahanan na gogo disi, angkon laing suruonKu do halak laho manyegohon i. Au Tuhan, madung mandok songon i.”

JEREMIA 51:60

Sude parmaraan na giot mandondoni Babel, dohot angka pangalaho na asing taringot tu luat i, madung husuratkon di sada buku.