JEREMIA 50:41 - BIBEL JAMITA NA DENGGAN

⁴¹ Sian luat na dao di Utara, ro ma sada bangso na gogo. Bahat do raja na ro rap dohot halahi. Ma pola hobas halahi manyintak sinjatana.

JEREMIA 50:41 Referans Kwoze

JEREMIA 50:9

Husosoi pe angka bangso na gogo-gogo na adong di Utara anso diporangi halahi Babel. Aturon ni halahi ma barisan laho martempur mangalo Babel lalu manaluhonsa. Angka parsior na malo-malo do halahi jana anak ni pana ni halahi nada unjung na so mangonai.

HALUMBAAN 17:16

Tanduk na sampulu na niidami dohot binatang i, margoyak ni roha ma mida panggampang i. Baenon ni halahi ma ia lungun-lungunan jana salang-salang. Panganon ni halahi ma sibukna jana pangabison ni halahi ma ia dohot api.

JEREMIA 51:11

Madung dijajang Tuhan angka raja na sian Media, hara ni na giot roncohononNia Babel. Songon i ma dalanna dibaen Ia laho mamalos parbuatan ni angka jolma na mangaroncohon bagasNia i. Didok komandan ni parangan parporang i ma, “Patajom be anak ni pana! Parade parince!

JEREMIA 25:14

BalosonKu do angka parbuatan ni halak Babel i; parhatobanon ni angka raja-raja na godang ma halahi dohot angka bangso na bahat.’ ”

DANIEL 5:26

Jana on ma astuanna: Mene; astuanna madung dietong Debata sanga sadia honokna mamarenta raja i jana madung dipaujung Ia.