JEREMIA 50:12 - BIBEL JAMITA NA DENGGAN

¹² Hape kotamu sandiri na godang i angkon palayason jana pailaon. Gabe padang na harsang noma Babel, mahiang jana gabe na ummurar sian tonga-tonga ni sandok harajaan.

JEREMIA 50:12 Referans Kwoze

JEREMIA 51:43

Gabe inganan na jorbut noma angka kotana, tudos tu padang halongonan na harsang. Nada adong halak na ra maringanan sanga mamolus disi.

HALUMBAAN 17:5

Tarsurat do di bohina i sada goar rahasia. Anggo goar i, i ma “Babel Na Godang i, ina ni sandok panggampang dohot angka parbuatan na so ture di portibi on.”

GALATIA 4:26

Tapi anggo Jerusalem na di banua ginjang i, i ma boru na mardeka, jana i ma ina di hita.

JEREMIA 49:2

Tapi dapot do i hatihana baenonKu halak na mangingani Raba, kota sabungan ni Luat Amon i, umbege surak-surak ni parporangan. Gabe tading sego-segona noma kota i jana angka huta pagaran na humaliang i pe abis masurbu. Dung i buaton ni halak Israel ma mangulahi tanona i sian angka jolma na mangarampassa na salpu i.

JEREMIA 25:12

Dung i uhumanKu ma bangso Babel dohot rajana i hara ni dosa ni halahi. RumpakkononKu ma luat i jana padiaronKu sego sapanjangna.

JESAYA 23:13

Bangso Babel do, jana nada bangso Asur na pasahatkon kota Tirus tu binatang panyoro i. Laing halahi muse do na pajongjongkon angka palas-palas pangkobuhan, mangarumpakkon angka benteng ni Tirus jana padiarkon kota i gabe tinggal sego-segona.)

JESAYA 14:22

Didok Tuhan Na Markuaso i ma, “Ro ma Au mamorangi Babel, lalu manyegohonsa. Umpe sahalak na malua baenonKu, salang dakdanak pe nada padiaronKu mangolu. Tuhan do Au, na mandok i.

JEREMIA 12:14

Didok Tuhan ma, “On ma tonangKu taringot tu harajaan hombar balok ni Israel na dung manyegohon tano na Hulehen tu bangsongKu Israel. Songon suan-suanan na niumpat sian tano, laing songon i ma angka jolma na jahat i giot paruaronKu sian angka luat ni halahi, jana paluaonKu ma Juda sian tangan ni halahi.

JEREMIA 15:9

Markancit ma ina na dung pitunoli tubuan anak, hosana mangkip-angkip. Madung manggolap mataniari disia di tonga ari maila ma ia jana heput. Na tinggal sian halahi lehenonKu ma tu podang di jolo ni musuna songon i ma didok Tuhan.”

JEREMIA 22:6

Anggo di Au santak do jeges ni bagas godang ni raja Juda on, songon jeges ni tano Gilead dohot angka Dolok Libanon, tapi baenonKu ma inganan i gabe songon padang halongonan na so niinganan ni halak.

JEREMIA 51:47

Pos ma rohamunu, dapot do i hatihana uhumanKu angka gana-ganaan ni Babel. Sude luat i marlayas, jana sandok halak na disi hona bunu.