JEREMIA 5:3 - BIBEL JAMITA NA DENGGAN

³ Anggo satutuna na nipangido ni Tuhan, anso setia do hamu. Dibalbal Tuhan do hamu, tapi nada mangarti hamu. Digopu Ia hamu, hape na so tarajar do hamu. Sijogal roha do hamu jana nada ra muba sian angka dosamunu.

JEREMIA 5:3 Referans Kwoze

JEREMIA 7:28

Hara ni i dokkon ma tu halahi, ‘On ma bangso na so ra manangihon Tuhan, Debata ni halahi, jana na so ra manjagit pangajaran!’ Madung mago roha haburjuon sian pamangan ni halahi.”

JEREMIA 2:30

Nada marguna hamu Hubaen hona uhum, angke na so targorahon do hamu. Songon singa na mangamuk, songon i ma hamu mamatehon angka panurirangmunu.

ZEPANYA 3:7

Ning rohangKu ma, “Anggo saonnari pasti pasangapan ni bangsongKi ma Au, jana tangihononna sandok sipaingotKu. Hapengani, mur tu jotjotna do halahi mambaen jahat martimbangkon na salpu.

JESAYA 9:13

Laing na so manyosal dope bangso Israel haru pe na dung hona uhum ni Tuhan Na Markuaso i; laing na so tunduk dope halahi tu angka parentaNia.

2 JUJUR TAON 16:9

Dijagoi Tuhan do sandok portibi on jana dipatuduhon Ia do hagogooanNia tu angka jolma na setia tuSia. Di pambaenanmi dipataridahon ho do ho na bodo, patunda ni i, mamungka saonnari sai marpupu noma ho mangalami parporangan.”

JESAYA 42:25

Jadi gabe disombabkon Ia ma rimas ni rohaNia tu hita, jana dipamasa Ia porang na mambaen hita susa. Marsigorgor do murukNia pangabiskon halahi, hape nada i taboto jana nada marsiajar hita sian na tarjadi.

IBRANI 12:9

Di tano on, adong do amanta. Diajari amanta be do hita, jana tapasangap do amanta. Antong mur ma hape maradopkon Amanta na di banua ginjang i, tontu angkon mur umoloan ma hita tuSia anso mangolu hita.

SURAT NI SI PAULUS TU PARLAGUTAN ROM 2:2

Tapi taboto do mangihutkon hasintongan do uhuman ni Debata angka na mambaen si songon i.

JEHESKIEL 24:13

Ale Jerusalem, angka pambaenanmu na so ture i, i do mambaen hodar ho. Madung Hucubo nian paias ho, hape nada adong gunana, angke torus do ho hodar. Nada be ra ho ias mangulahi lopus Hupalalu rimasKu tu ho.

JEREMIA 32:19

Sumurung do angka sangkapMu jana hahomangan do angka pambaenanMu; diida Ho do sude pambaenan ni jolma, jana dibalos Ho do tu halahi hombar tu pambaenan ni halahi.

JEREMIA 19:15

bahaso na nidok ni Tuhan Na Markuaso i Debata ni Israel songon on, “Giot paroonKu noma tu kota on dohot tu angka huta pagaran na humaliangsa sandok parmaraan na dung Husangkaphon humani, hara ni jogal ni rohamunu dohot na so ra hamu manangihon.”

JEREMIA 7:26

Hape nada adong na manangihon sanga na mamparrohahon. Mur jumogal do rohamunu jana mur jumahat sian ompumunu.”

JESAYA 48:4

Huboto do ho sijogal roha, kapala batu, pir songon bosi.

PODA 27:22

Haru nigogoan pe mambalbal halak na oto, nada gabe ruar habodoonna sian dirina.

PODA 23:35

Jadi gabe dokkononmu ma, “Na hona pukul ni halak do au lakna jana ditampeleng, tapi nada huingot sanga aha na dung tarjadi. Ah, mondohondok sajo au! Porlu dope minum au!”

PODA 22:12

Dijagohon Tuhan do parbinotoan ni na tigor; direngreng Ia do gabus ni halak na geduk.

PODA 21:29

Nada diboto parjahat na maila, tapi muda halak partigor dipauba do pangalahona.

MASMUR 51:6

Haiason dohot habulusan ni roha do dipangido Ho, gohi ma rohangku dohot habisuhonMu.

2 JUJUR TAON 28:22

Di pangalaho na songon i gawatna mur mambaen dosa dope si Ahas tu Tuhan.

HAMALIMON 26:23

Dung ditaon hamu songon i sude uhuman i, hape laing nada dioloi hamu Au, mur mangalo hamu tu Au

2 RAJA-RAJA 1:13

Disuru raja i ma sanoli nari sahalak parpangkat rap dohot lima pulu halak nari. Manangkok ma parpangkat i tu dolok i; jadi dung lalu ia tu jolo ni si Elia, marsinggang ma ia jana didok ia ma, “Mangido ampun ma hami o, ale naposo ni Debata! Ibo ma rohamu mida au dohot angka parangankon; ulang ma dimatehon hami!

JEREMIA 8:5

Hape anggo hamu bangsongKu, biasi ditadingkon hamu Au, jana nada ra mulak tu Au? Ditulak hamu do Au jana togu hamu marsitiopan tu gana-ganaanmunu i!

JEHESKIEL 2:4

Sijogal roha do halahi jana nada dipasangap halahi Au. Husuru ho tu halahi laho palaluhon sanga aha na Hudok tu halahi, Au do Tuhan Debata mandok,

DANIEL 9:13

Sude jaya hamamago na tarsurat di bagasan Tona Ni si Musa didondonkon Ho do tu hami. Tapi haru songon i pe, ale Tuhan Debatanami, laing hami gagai do laho pasonang rohaMu. Laing hot do hami na so ra manadingkon angka dosanami jana nada hami parrohahon angka pangajaranMu.

AMOS 4:6

Au do na pamasahon haleon potir tu sude kotamunu, hape nada mulak hamu tu Au.

PAMUNGKAAN 19:34

Ancogotna i, didok boruna siangkaan i ma tu anggina, “Napotangin madung marcampur au dohot amanta; tapamabuk ma ia annon borngin mangulahi, anso modom ho annon rap dohot ia. Songon i noma dalanna baenonta anso adong anakta.”

1 RAJA-RAJA 13:33

Laing na so ra do si Jerobeam manadingkon hasomalan ni ngolunia na jahat i. Laho mangurus langgatan na nipajongjongnia i, sai torus do diangkati ia malim sian tonga-tonga ni halak na somal. Sanga ise ma na ra, diangkat ia gabe malim.

MASMUR 51:8

Paloas ma au umbege barita jop ni roha, anso marsurak mangulahi roha na nigopuMon.

MASMUR 55:20

Donganku humani mangalo angka donganna, disoadahon ia janjinia.

JESAYA 26:11

Ale Tuhan, di paherbang Ho do tanganMu, tapi nada diida halahi i; padiar ma maila halahi mida holong ni rohaMu di bangsoMi. Padiar ma marhancit halahi hara ni na hona uhum na niparadeMu di halahi.

JEREMIA 3:3

Patunda ni i do gabe so aek sian langit, jana udan na somal di musimna nada unjung ro. Suman do ho tu siboru panggampang na so umboto hahaila.

JEREMIA 15:7

Hupiari ma halahi dohot anduri di sude inganan di luat on. BaenonKu ma bangsongKu agoan anak, jana pangabisonKu halahi, harana inda maruba halahi sian pangalahona.

JEREMIA 17:23

Hape nada ra ompumunu i manangihon sanga mamparrohahon sanga aha na Hudok. Jogal do roha ni halahi jana nada ra mangoloi, boti na so targorahon.

JEREMIA 44:10

Tapi lopus sadari on nada ra hamu paserep rohamunu. Nada dipasangap hamu Au jana pardalan ni ngolumunu nada mangihutkon TonaKu na Hulehen tu hamu dohot tu ompumunu.

AMOS 4:8

Di deba kota ma pola gale halakna hara ni na manguas, manjalahi aek tu kota na asing, hape nada tuk aek na disi. Haru pe songon i, laing na so mulak do hamu tu Au.

AMOS 4:9

Huombuskon alogo na milas mamatehon angka suan-suanan. Siapor na mangabiskon bona ni anggur, bona ni ara, bona ni zetun dohot suan-suanan na asing di angka kobunmunu. Haru pe songon i, laing nada mulak hamu tu Au.

AMOS 4:10

Hutongos tu hamu nyae masa songon na hutongos tu Mesir. Humatehon angka doli-dolimunu di bagasan parporangan, jana hurampas angka kudomu. Hugohi inganan ni bandarmunu dohot bangke na manyusuk bauna tu igung. Haru songon i pe, laing nada mulak hamu tu Au.

AMOS 4:11

“Madung Husegoi angka hutamunu, songon Sodom dohot Gomora na disegoi ni Debata. Na tinggal mangolu sian hamu i ma na tudos tu surpu na niela sian api. Haru songon i pe, laing nada mulak hamu tu Au.