JEREMIA 5:16 - BIBEL JAMITA NA DENGGAN

¹⁶ jana angka na garang do sitiop sior ni halahi; na mamatehon sajo do halahi nada mananda ibo ni roha.

JEREMIA 5:16 Referans Kwoze

JESAYA 5:28

Tajom do anak ni pana ni halahi jana siorna i ripe manembakkon. Sisilon ni kudona i songon pir ni batu loting, jana parputar ni roda ni karetana i songon hipas ni halingsungsung.

MASMUR 5:9

Nada haposan anggo hata ni musungku; giot ni halahi, sai mago ma nian au. Tabo do begeon hata na nidok ni halahi, hape anggo roha ni halahi hum na giot manjahati.

SURAT NI SI PAULUS TU PARLAGUTAN ROM 3:13

Songon kuburan na talak noma aru-aru ni halahi. Mabaor sipaoto-oto sian dila ni halahi, jana bibir ni halahi marbisa songon ulok.

JESAYA 13:18

Bunuon ni halahi do angka na poso dohot siorna songon i dohot pana. Nada masa ibo ni roha di halahi maradopkon dakdanak na baru sorang jana nada holong roha ni halahi mida dakdanak.

ANDUNG 3:13

Tombus pamatangki dibaen panaNia lopus masuk tu pusu-pusungku.

JEREMIA 6:22

Songon on ma didok Tuhan, “Satutuna, giot ro ma sada bangso sian Utara, sada bangso na godang hobas sian suhi ni tano on.

JEREMIA 6:23

I ma angka na marsinjatahon pana dohot podang; na jingar do halahi jana na so umboto ampun. Songon husasak ni laut na marombak, songon i ma sora ni parlojong ni kudo ni halahi na dipacu laho mamorangi Jerusalem.”