JEREMIA 49:2 - BIBEL JAMITA NA DENGGAN

² Tapi dapot do i hatihana baenonKu halak na mangingani Raba, kota sabungan ni Luat Amon i, umbege surak-surak ni parporangan. Gabe tading sego-segona noma kota i jana angka huta pagaran na humaliang i pe abis masurbu. Dung i buaton ni halak Israel ma mangulahi tanona i sian angka jolma na mangarampassa na salpu i.

JEREMIA 49:2 Referans Kwoze

JEREMIA 4:19

Iale hancit ni rohangkon, jana na dangol ma antong di au on. Nada be tarpompom au diringku gumadobur taroktokku, angke hubege do sarune mangkulingi, jana sora ni surak-surak porang marsaringari.

JEHESKIEL 21:20

Gambar ma sian dalan dia haroro ni podang i mangalo Raba kota ni Amon, jana mangalo Juda, na marbenteng di Jerusalem.

PANGARATAION 3:11

Hum Raja Og noma, na mangolu sian halak Refaim. Sian batu do dibaen poti ni bangkena, opat meter ginjangna, jana bidangna mardonok dua meter mamake suhat-suhat na somal. Lopus saonnari tarida dope i di Raba, kota ni halak Amon.)

AMOS 1:14

Hara ni i, tongosonKu ma api tu angka tembok ni kota Raba, jana surbuonKu lopus abis angka bentengna i. Tarbege ma disi hagaoron ni sora ni porang, jana mur jebu ma porang i songon pangalingkup ni ombak.

2 SAMUEL 11:1

Somalna sai di musim bunga do angka raja kehe marporang. Jadi dung salpu taon baru di taon i disuru si Daud ma si Joab kehe mamorangi rap dohot angka donganna parpangkat dohot sude tentara ni Israel i; dung i ditaluhon halahi ma halak Amon jana dihobuk halahi ma kota Raba. Tapi anggo si Daud, tinggal do di Jerusalem.

JEREMIA 49:1

On ma na nidok ni Tuhan taringot tu Amon, “Biasi tano ni Marga Gad dirampas jana diingani angka jolma na mamele Debata Milkom? Adong he ulaning na soada be halak Israel na margogo laho mangondihon luat i?

MASMUR 97:8

Sonang pangkilaan ni halak Sion dohot angka kota ni Juda di na umbege haputusan ni Tuhan.

MASMUR 48:11

Sai marjop ni roha ma rayat ni Sion dohot Juda marsorak-sorak, dibaen diuhumi Ho do alo ni halahi.

BILANGAN 21:25

Marhite na songon i madung sude kota ni halak Amori dirampas halak Israel, tarmasuk Hesbon dohot sude kota na menek humaliangna, gabe tinggal disi ma halahi.

OBAJA 1:19

Inganan ni halak Juda na di Selatan ma Edom. Taluhonon ni angka halak na sian partoran na di Hasundutan ma Luat Pilistin. Inganan ni Marga Benyamin ma Gilead jana rajaan ni bangsongKu Israel ma sude Efraim dohot Samaria.

BILANGAN 10:9

Muda dompak marporang hamu di luatmunu laho mampartahankon diri hara ni haroro ni musu, palu ma sarune i paboa marporang. Angke Au do Tuhan Debatamu na mangurupi jana palua hamu sian musumunu.

PANGARATAION 13:16

Angkon palaguton sude sinadongan ni halak kota i, jana dipagukguk di tonga ni alamanna i, lalu disurbu ma sude kota i dohot sasude na di bagasanna songon haul tu Tuhan Debatamunu. Dung sidung i sudena angkon tinggalkonon do i songon lobu jana nada tola be ulahan mambangunsa.

JOSUA 17:11

Di holang-holang ni Luat Isakar dohot Aser adong do tano ni halak Manase, i ma: Bet-Sean dohot Jibleam dohot angka luat na humaliangna. Songon i muse: Dor (kota na di topi ni laut), Endor, Taanakh, Megido dohot angka luat na humaliangna.

JOSUA 17:16

Dialusi pomparan ni si Josep i ma, “Nada tuk bolak ni luat partoran i di hami, hapengani bangso Kanaan na maringanan di angka tano na hornop na di lombang i pe markareta porang sian bosi do – i ma na maringanan di Bet-Sean dohot di angka luat na humaliangna, bope na maringanan di Rura Jisreel.”

JESAYA 17:1

Didok Debata, “Nada marrumangkon kota be Damaskus, tapi hum na sego-sego sajo noma.

JESAYA 11:14

Rap mamorangi noma halahi tu halak Pilistin na di Hasundutan jana mangarampasi angka bangso na di Habincaran. Taluhonon ni halahi ma bangso Edom dohot Moab, dohot bangso Amon pe tunduk ma tu halahi.

JEHESKIEL 21:25

Jana tu raja ni Israel hudok do, “Ale raja na jahat jana na hodar! Madung donok hatihana di ho manjagit uhuman na parpudi.