JEREMIA 49:19 - BIBEL JAMITA NA DENGGAN

¹⁹ Songon singa na muldop sian harangan godang di lambung ni Batang aek Jordan, jana na ro mandapotkon padang panjampalan ni biri-biri, songon i ma Au giot ro jana mambaen marlojongi halak Edom sian tano ni halahi tompu. Dung i todoonKu ma sada halak pamimpin laho mamarenta luat i. Ise ma he na tarpatudos tu Au? Ise he puluk mangalo Au? Adong dehe lakna pamimpin na puluk mangalo Au?

JEREMIA 49:19 Referans Kwoze

JEREMIA 12:5

Didok Tuhan ma, “O Jeremia, muda gabe loja ho marsiadu dohot jolma, bia ma pambaen ni i marsiadu ho dohot kudo? Muda tartuktuk do ho di tano na hornop, bia ma pambaen ni i mardalan ho di ramba na ditopi ni Batang aek Jordan?

JEREMIA 30:21

Raja na marasal sian hamu mamarenta di tonga-tongamunu. Roha-rohania do mandonohi Au muda Hupio ia mangadop tu Au. Angke ise ma he na puluk ro mangadop tu Au sian roha-rohana sajo? Gabe bangsongKu ma hamu jana Au gabe Debatamunu. Au do Tuhan, na mandokkon songon i.”

JOB 41:10

Mangganas do i muda nisunggul sian podomanna; sahalak pe nada adong puluk mangadopisa.

JOB 9:19

Angkon maradu gogo noma iba ulaning dohot Ia? Hape ligi da, na santak do hinagogoNa. Sugari hubaen salaho tuSia pangaduan, ise ma na puluk mamiohon Ia tu paruhuman?

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

HALUMBAAN 6:17

Dibaen madung ro ari haririmas ni halahi, ise ma he na tarbaen manaon i lakna? Jana umpe adong sahalak na tarbaen manahan di jolo ni halahi!”

ZAKARIA 11:3

Mangandungi ma angka pamimpin di hasusaanna; ma pola mago hajagaronna. Bege bo parngaur ni singa di harangan, angke inganan ni halahi sapanjang Batang aek Jordan, ma pola abis marsursaran.

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

JEREMIA 4:7

Songon singa na ruar sian liang partabunian songon i ma panyego-nyego ni angka bangso na dung mardalan laho mangaroncohon Juda. Mamolngit noma i angka kota ni Juda dipadiar gabe lobu na so adong manginganisa.

JESAYA 40:25

Dohot ise ma he patudosonmunu Au, ise ma he tudosanKu?

MASMUR 143:2

NaposoMu do au on, ulang ma timbang parkarongku, angke nada adong halak na so marsala di adopanMu.

MASMUR 89:8

Ale Tuhan, Debata Na Markuaso, ise dehe songon Ho? Na gogo do Ho ale Tuhan, jana hasetiaanMu adong di humaliangMu.

MASMUR 89:6

Di langit ni langitan nada adong na tudos dohot Ho, Tuhan, nada adong pardibanua ginjang na sarupa dohot Tuhan.

MASMUR 76:7

Sude do halak mabiar be mida Ho, muda pola marsijongjong murukMu, ise ma he na tahan?

JOB 9:21

Nada sala au tapi nada parduli au. Loja au na mangolu i. So adong be na porlu di au. Na sala dohot na tigor, sarupa be do bagianna: Dua-duana i rap sipusaon ni Debata.

1 JUJUR TAON 12:15

Jungada do tarjadi di bulan sada, ditaripari angka perwira i Batang aek Jordan haru pe topet banjir godang batang aek i. Sandok halak na di napa i sian Habincaran dohot Hasundutan ni batang aek i, dipaorot halahi.

BILANGAN 16:5

Dung i didok ia ma tu si Korah dohot donganna i, “Ancogot manyogot i patidahonon ni Tuhan ma tu hita sanga ise sian hita na dung mardohonan di Tuhan. Halak na dung mardohonan di Tuhan i, patuduhonon ni Tuhan sandiri do i mandongani Tuhan i di langgatan i.

JESAYA 46:9

Ingoti di bagasan rohamu sude na masa na salpu angka pangalaho na tarjadi najolo. Okui ma, na so adong Debata asing sian Au nada adong na sarupa dohot Au.

2 JUJUR TAON 20:6

jana martangiang ma ia marsora na gogo, “Ale Tuhan, Debata ni ompunami! Ho do Debata di banua ginjang dohot na mamarenta di ginjang ni sude bangso na di tano on. Ho do na margogo jana markuaso. Sahalak pe so tolap mangalo Ho.

MASMUR 76:8

Dipatubegehon Ho sian langit haputusanMu; mangkohom noma portibi on jana heput,

JEREMIA 25:9

‘PiohononKu ma sude bangso na sian Utara, songon i muse naposongKu si Nebukadnesar raja ni Babel. ArahononKu ma halahi marporang mangalo Juda dohot halakna i sude dohot bangso na humaliangsa. PatimpasonKu sude bangso on rap dohot angka bangso hombarna jana padiaronKu malala sapanjangna. Tarsonggot ma halak na midasa jana panyogiton. Au Tuhan, madung mandok songon i.

DANIEL 7:4

Na parjolo tompana songon singa, tapi marhabong songon habong ni rajawali. Di na hutatap tusia, manigor ma mumpat lalu taldus habongna i; tarangkat ma ia sian tano jana dipajongjong di dua pat songon jolma jana dilehen ma roha ni jolma tusia.