JEREMIA 49:12 - BIBEL JAMITA NA DENGGAN

¹² Halak na so patut niuhum pe laing hona uhum do, mur hamu ma hape? Musti hona uhum hamu!

JEREMIA 49:12 Referans Kwoze

OBAJA 1:16

Di ginjang ni dolokKu Na Badia i, madung diinum bangsongKu siinumon na manggambarkon uhumannia. Tapi umpaet dope siinumon ni angka bangso na di tano on. Nada tarpasiding halahi uhuman i. Angkon inumon ni halahi do i jana pangabisonna. Jadi gabe mago noma halahi ro di salolot-lolotna.”

JEREMIA 46:27

“Ale Israel bangsongKu, ulang humitir sanga mabiar hamu! PaluaonKu noma hamu sian luat na dao, disi ditaban hamu. Mulak noma hamu jana sonang maringanan di tanomunu. Mangolu ma hamu di bagasan sonang; nada adong be na porlu sihabiaran.

JEREMIA 30:11

Angke dongananKu do ho ninna Tuhan, anso Hupalua ho: PangabisonKu ma angka bangso inganan parserahanmunui, tapi anggo ho nada pangabisonKu. AjaranKu ma ho di bagasan uhum; jana nada dohononKu ho na so marsala.”

JEREMIA 25:15

Didok Tuhan, Debata ni Israel ma tu au, “Buat ma galas ni anggur on na dung Hugohi dohot hamumurukKu. Oban ma i tu sude bangso sanga na tu dia ho Husuru. Suru inum ma anggur on tu halahi;

PODA 17:5

Sanga ise na manyosak halak na pogos, pabilehon Debata na manompasa. Sanga ise na marmoga-moga hara ni halak na malang bagian, pasti dapot uhuman.

MATEUS 20:22

“Na so diboto hamu do na nipangidomunu,” ning Jesus tu halahi. “Tarinum hamu ma lakna panginuman na giot inumonKi?” “Tarinum hami do i,” ninna halahi.