JEREMIA 48:45 - BIBEL JAMITA NA DENGGAN

⁴⁵ Angka bagian pangungsi na so margogo be, kehe ma tu Hesbon manjalahi parlindungan, tu kota na jungada diparenta Raja Sihon. Hape topet do gor kota i. Ma pola dipangan api i lalu tu batas dohot tu partoran Moab, i ma luat ni halak na tagi marporang.

JEREMIA 48:45 Referans Kwoze

BILANGAN 24:17

Madung huida na giot masa muse di Israel. Sada raja na marasal sian Israel. Giot ro songon parbincar ni bintang, sada bintang na marlalai, na marsinondang. Pamimpin ni Moab giot libasonnia angka bangso Set giot taluhononnia.

BILANGAN 21:28

Jungada ma sanoli di kota i, tentara ni si Sihon maju songon api. Kota Ar di Moab dironcohonsa. Angka tor saginjang ni Arnon ditolonsa.

MATEUS 21:42

Dung i ninna Jesus ma tu halahi, “Na so unjung dope tarsise hamu surat na di Buku Na Badia i? ‘Batu na niambungkon ni pande bagas i madung gabe batu parsuhi. Songon i ma pambaen ni Tuhan; sada pambaenan hahomangan di matanta.’ ”

ZAKARIA 10:4

PilionKu ma sian tonga-tonga ni halahi na gabe parkuaso, pamimpin dohot panglima na giot mamarenta bangsongKi.

AMOS 2:2

Hara ni i tongosonKu ma api tu tano Moab jana surbuonna sude angka benteng ni Keriot lopus abis. Marmatean ma halak Moab di tonga-tonga ni hagaoron ni porang, di na mangkuling sarune jana taran disurakkon tanda ni parporangan.

BILANGAN 21:26

Kota Hesbon i ma kota sabungan ni Raja Sihon. Jungada do dialo ia raja Moab najolo, dirampas ia luatna olat ni Batang aek Arnon.

BILANGAN 21:21

Dung i disuru halak Israel ma suruanna manopot si Sihon, raja ni Amori laho pabolkaskon tona on,

BILANGAN 21:29

Iale halak Moab na marjaya! Marmara ma ho bangso na mardebatahon Kamos! Dipadiar debatamu ho gabe mangungsi. Dadaborumunu ditaban raja Amori.

MASMUR 78:63

Dipapangani api angka doli-doli ni halahi, gabe nada adong be mambuat angka bujing-bujing disi.

MASMUR 135:11

Si Sihon raja ni Amori dohot si Og raja ni Basan, maradu sude raja ni Kanaan.

JEREMIA 2:16

O ale Israel, hona gusting do obuk ni ulumu dibaen halak Memphis dohot Tahpanhes.

JEREMIA 48:2

dibaen madung mago na nihagodanghon ni Moab. Madung ditaluhon musu i Hesbon jana disangkapkon do laho mangabiskon sandok bangso Moab. Di kota Madmen nada adong be habegean sora ni halak na manghatai, dibaen madung diporangi tentara kota i.