JEREMIA 47:7 - BIBEL JAMITA NA DENGGAN

⁷ Tapi, tarbaen ia ma he sonang disi anggo dung Huparentahon do laho manyerang Askelon dohot halak na maringanan di topi ni laut?”

JEREMIA 47:7 Referans Kwoze

MIKA 6:9

Habisuhon do muda mangkabiari Debata. Pio-pio do Ia tu halak na mangingani kota, didok Ia do, “Tangihon ma ale hamu na marlagut di bagasan kota!

JEHESKIEL 14:17

Bolas jadi do Huparo porang tu luat i, lalu ningKu do, abisi ma tano i ho ale podang, gabe abis Hubaen sian i jolma dohot pahan-pahanan.

JESAYA 10:6

Hutongos do Asur laho manguhumi bangsongKu na marbalik jana na mambaen Au muruk. Husuru do Asur laho mangarampas dohot manangko lalu mangalonca-lonca bangsongKu songon abu na di dalan i.”

AMOS 3:6

Nada he humitir halak muda tarbege sora ni sarune tanda ni gore ni porang? Hona parmaraan dehe sada kota, anggo so Tuhan manongoskonsa?

JEHESKIEL 25:16

Hara ni i pabotohononKu ma paboa na giot serangonKu noma angka halak Pilistin jana abiskononKu halahi. BunuonKu sandok jolma na maringanan di luat na di topi ni laut di tano Pilistin.

JESAYA 37:26

Na so jungada dope he dibege ho, na Husangkapi hian do i sian narobi? Jana saonnari ma i Hupatulus. Au do da na mangalehen kuaso di ho laho mangaroncohon angka kota na marbenteng gabe tinggal sego-segona.

JESAYA 13:3

Madung dipiohon Tuhan angka ulubalang na nipilianNia na garang, na marpos ni roha di dirina jana na papos roha laho mamorangi dohot manguhumi angka jolma na hona murukNia.

1 SAMUEL 15:3

Antong, kehe ma ho jana porangi ma halak Amalek i jana segohon ma sandok arta ni halahi. Ulang adong tadingkon sanga na aha pe; bunu sude halaklahi, dadaboru, dakdanak dohot na baru sorang; lombu, biri-biri, unto dohot halode.”

JEREMIA 48:10

Hona bura ma sanga ise na so patuluskon karejo na sian Tuhan sian situtu ni rohana. Hona bura ma i na so manyintak podangna lalu mambunu.

JEHESKIEL 21:30

O hamu halak Amon, pasarung hamu ma mangulahi podangmunu i! Giot uhumanKu hamu di inganan disi hamu ditompa dohot ditubuhon.

JEHESKIEL 21:9

“Ale anak ni jolma, manyurirangi ma ho! Paboa ma tu angka jolma i, Au Tuhan mandok songon on, ‘Adong ma sada podang, podang na dipatajom. Podang na digarut jana dipalandit.

JEHESKIEL 21:14

“Jana ho anak ni jolma, manyurirangi ma ho jana martopap, padiar ma podang i gabe dua lompit, tolu lompit. I ma podang pamunu, podang pamunu tu halak na bahat, na marhuliang mangabiskon halahi.