JEREMIA 47:3 - BIBEL JAMITA NA DENGGAN

³ Tarbege ma di halahi sora ni parlojong ni kudo, sora ni pargaruntang ni kareta, dohot pargarutuk ni angka rodana. Gabe manggalei ma pangkilalaan ni angka na matobang, jana nada be dipikirkonsa dakdanakna angke madung gale sanga nada margogo be.

JEREMIA 47:3 Referans Kwoze

JEREMIA 8:16

Madung di kota Dan musu; madung habegean parngiho-ngiho ni kudo ni halahi, jana gabe mabiar sude na saluat. Madung ro musu laho manyegohon sude tanonta, songon i dohot hutanta maradu sude halak na manginganisa.”

HAKIM-HAKIM 5:22

Matupakpak pat ni kudo maradu hipas marsiadu, mangaronggur tano i hara ni pardalanna na marpacu.

NAHUM 2:4

Maradu hipas angka kareta di dalan i tu jolo. Di galanggang marsikojaran halahi. Songon obor idaon gara-gara, marpacu maradu hipas humasiksak songon hilap.

JEREMIA 46:9

Marpacu ma da, angka kudo! Mardalan ma da angka kareta! Maju ma da angka na gogo sian Sudan. Songon i dohot sitiop parince na sian Libia dohot panyior na malo na sian Lidia.’ ”

HALUMBAAN 9:9

Andorana i martutup do idaon songon baju bosi. Sora ni habongna i songon sora ni kareta kudo na bahat na topet mangaroro hatiha marporang.

JEREMIA 50:42

Pana dohot podang do sinjata ni halahi; jingar jana na so umboto ampun do i. Songon sora ni laut na marombak songon i ma sora ni kudona na dipacu anso maju mamorangi Babel. Madung hobas halahi marporang mangalo luat i.

JEHESKIEL 23:24

Hobukon ni halahi ma ho sian Utara dohot tentara na bahat, dohot angka kareta porang dohot angka kareta na maroban bohal. Hobukon ni halahi ma ho, marhite parlindungan ni parince dohot angka kupia baja. PadiaronKu do halahi manguhumi ho mangihutkon angka aturan ni halahi sandiri.

NAHUM 2:8

Mangambur be masarsar rayat ni Ninive songon aek na mabulak sian gadu-gadu na matolbak. Tarbege ma na marsurak, “Maradian! Maradian!” hape nada adong na ra ro mangulahi.

JESAYA 5:28

Tajom do anak ni pana ni halahi jana siorna i ripe manembakkon. Sisilon ni kudona i songon pir ni batu loting, jana parputar ni roda ni karetana i songon hipas ni halingsungsung.