JEREMIA 46:7 - BIBEL JAMITA NA DENGGAN

⁷ Ise dehe i na manaek songon aek ni Batang aek Nil, na songon batang aek na mangunongi topi-topina?

JEREMIA 46:7 Referans Kwoze

JEREMIA 47:2

Didok Tuhan, “Ligi da, mardalan do aek sian Utara jana mangalantap songon aek magodang na mangalingkup tano i dohot isina, angka kota dohot halak na manginganisa. Mangangguhi ma halak mangido tolong jana mangandungi ma rayat sudena.

DANIEL 11:22

Sude tentara na ro angkon diayup do dijolona jana dipatalu, jana dohot muse do sahalak Parjanjian.

HALUMBAAN 12:15

Gabe dibursikkon naga i ma aek na bahatan sian pamangannia tu dadaboru i laho mangayupsa.

AMOS 8:8

Nada he humutur ma tano on hara ni i, jana sude rayat marsiluluton? Nada he humuntal ma sude na i songon Batang aek Nil, dipartunggalbalikkon jana surut songon Batang aek Mesir?”

DANIEL 9:26

Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.

JESAYA 63:1

“Ise dehe na ro sian Edom adu? Na ro sian Bosra marbaju na rara, tongam do pakeannia, na mangalangka songon na marsahala? Au do na manjanjihon hasintongan dohot na markuaso paluahon!” “Au ma da on, Tuhan na margogo paluahon, ro Au maroban barita hamonangan.”

ENDE NA GODANG 8:5

Ise do na ro sian padang halongonan na marsitiopan tangan dohot haholonganna? Husungguli ho di toru ni bona ni appel, disi do ingananmu ditubuhon.

ENDE NA GODANG 3:6

Ise dehe i na ro sian padang-padang an, tarsongon timus na suman tu tiang? Huskusna songon mur dohot dupa, dupa na nigadis ni parboniaga.

JEHESKIEL 32:2

“Ale anak ni jolma parsantongkinan, lehen ma hata na karas paingotkon raja ni Mesir. Palalu ma tonangKon tusia, ‘Dipasuman ho dirimu dohot singa jara-jara di tonga-tonga ni angka bangso, hape sumanan dope ho tu buaya na marrondam-rondam di bagasan aek. Dihorui jana dikotori patmi do sandok batang aek.

DANIEL 11:10

Jadi marhobas ma angka anak ni raja ni Siria laho marporang dohot mambaen tentara na bahat. Maju ma sada sian halahi margalusak songon aek magodang torus mamorangi benteng ni musu.