JEREMIA 46:6 - BIBEL JAMITA NA DENGGAN

⁶ Angka tentara na lobassa hipas marlojong, nada tolapsa maporus sian musu. Tartuktuk do halahi jana tinggang di Utara, di topi ni Batang aek Efrat i.

JEREMIA 46:6 Referans Kwoze

DANIEL 11:19

Dung i diadopkon ia ma bohinia tu angka kota na marbenteng di kotania sandiri; tapi tarsilandit do ia jana madabu jana nada adong be barita taringot tusia.

JEREMIA 46:12

Na dung tarboto do tu sandok bangso hahaila na tarjadi di hamu. Tarbege do sora ni pangararmunu tu sude portibi on. Martondong do tentara na sada tu donganna jana gabe rap tungkap halahi tu tano.

JEREMIA 50:32

Tartuktuk ma bangsomu siginjang roha i jana tinggang. Sahalak pe nada adong na mangurupi laho pajongjongkon ho. SurbuonKu ma angka kotamu, jana sandok na adong humaliang ni kota i, Huabisi.”

JEREMIA 46:16

Bahat tentaramunu tartuktuk lalu tinggang. Didok halahi do sama halahi, ‘Beta ma da mulak hita tu bangsonta anso laing malua hita sian podang ni musu i.’

JEREMIA 46:10

On ma ari ni Tuhan Debata Na Markuaso i; anggo di ari on mambaen pamaloson ma Tuhan Debata Na Markuaso i tu sude angka musuNia. Panganon ni podangNia ma halahi lopus butong, jana inumonna mudar ni halahi lopus sombu. Di ari on disambol ma angka haul di Utara di topi ni Batang aek Efrat i.

JEREMIA 25:9

‘PiohononKu ma sude bangso na sian Utara, songon i muse naposongKu si Nebukadnesar raja ni Babel. ArahononKu ma halahi marporang mangalo Juda dohot halakna i sude dohot bangso na humaliangsa. PatimpasonKu sude bangso on rap dohot angka bangso hombarna jana padiaronKu malala sapanjangna. Tarsonggot ma halak na midasa jana panyogiton. Au Tuhan, madung mandok songon i.

JEREMIA 20:11

Tapi Ho do ale Tuhan donganku; na sun gogo do Ho boti barani. Muli madabu jana abis gogo do halahi angka na manyompiti ngolungku. Maila ma halahi sapanjangna sundat ma sude sangkapna. Paingot-ingoton ma samatua habileon ni halahi sudena.

JEREMIA 6:1

Kehe ma hamu mangungsi, hamu halak Benyamin! Tadingkon hamu ma Jerusalem! Palu hamu ma sarune di Tekoa, jana pagara hamu ma api mangalehen tanda di Bet-Kerem! Ro ma parmaraan dohot hamamago sian Utara.

JEREMIA 4:6

Patuduhon ma dalan tu Sion, dolok ni Tuhan, ompoti hamu ma mangungsi, ulang ma marsidalian. Sian Utara diparo Tuhan hamamago dohot hasegoan.

JEREMIA 1:14

Didok Tuhan ma, “Ro ma durus parmaraan sian Utara jana songgop ma i tu halak na di luat on sude.

JESAYA 8:15

Bahat do halak na giot tartuktuk dohot na mabugang. Julung tu bagasan tirangkap noma halahi.”

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

MASMUR 27:2

Muda ro parjahat mangaroro giot mamunu au, tartuktuk ma halahi lalu madabu.

DANIEL 11:22

Sude tentara na ro angkon diayup do dijolona jana dipatalu, jana dohot muse do sahalak Parjanjian.

2 RAJA-RAJA 23:29

Hona bunu ma Raja Josia di Megido di na kehe ia tusi mandapotkon si Neko raja ni Mesir na topet hatiha ro rap dohot tentarania laho mamorangi raja Asur na di topi ni Batang aek Efrat.